Ադրբեջանական Trend լրատվական գործակալության փոխանցմամբ՝ Ադրբեջանն ու Թուրքիան պլանավորել են օգոստոսի 26-ին իրականացնել գազային համաձայնագրի կնքման շուրջ բանակցությունների հերթական փուլը։ Այս մասին այսօր հայտարարել է Ադրբեջանի Հանրապետության պետական նավթային ընկերության (SOCAR) ղեկավար Ռովնագ Աբդուլաևը։
Ակնկալվում է, որ այդ բանակցությունների ժամանակ կգրանցվի որոշակի առաջընթաց՝ երկու երկրների միջև գազային համաձայնագրի կնքման շուրջ։
Հիշեցնենք, որ ադրբեջանական «Շահ Դենիզ» գազային հանքավայրի մշակման երկրորդ փուլը մեկնարկելու է 2017 թվականին։ «Շահ Դենիզ»-ի պաշարները գնահատվում են 1.2 տրիլիոն խորանարդ մետր։
1996 թվականի հունիսի 4-ին Ադրբեջանի ու Թուրքիայի միջև կնքված պայմանագրի համաձայն՝ Թուրքիան պարտավորվել է տարեկան գնել 6.6 միլիարդ խորանարդ մետրի ադրբեջանական գազ։ «Շահ Դենիզ»-ի երկրորդ փուլի մշակման արդյունքում այդ ծավալը կմեծացվի 6 միլիարդ խորանարդ մետրով։
