Բորիս Նեմցովի յոթամյա որդին՝ Բորիսը, որը ծնվել է քաղաքական գործչի և մոդել Եկատերինա Իֆտոդիի արտաամուսնական հարաբերությունների արդյունքում, նկարահանվել է «Եդինայա Ռոսիա»-ի տեսահոլովակում՝ ի պատիվ Թատրոնի միջազգային օրվա:
Ըստ MBH Media կայքի, տեսանյութը հրապարակվել է կուսակցության մոսկովյան մասնաճյուղի Facebook-ի էջում:
Եկատերինա Իֆտոդին հաստատել է, որ Բորիսը նկարահանվել է տեսահոլովակում: «Մենք ապրում ենք մի երկրում, որտեղ կա մեկ, ասենք այսպես, առաջատար և գերիշխող կուսակցություն»,- ասել է նա՝ հավելելով, որ որդու հետ ապրում է Պրեսնենսկի շրջանում և ակտիվորեն մասնակցում է այդ շրջանի հասարակական և մշակութային կյանքին: Նա նաև շեշտել է, որ Բորիսը պարզապես երեխա է, և «հիմարություն» է անվանել, եթե ինչ-որ մեկը նրան վերագրի իր հոր քաղաքական հայացքները:
Տեսանյութում Բորյա Նեմցովը մոսկվացիներին շնորհավորում է Թատրոնի օրվա կապակցությամբ՝ կարդալով Ալեքսանդր Սերգեևիչ Պուշկինի «Մեծ պահքի աղոթքը»:
