Քաղաքագետ Մանվել Սարգսյանը, անդրադառնալով վերջին սոցիոլոգիական հետազոտություններին, ըստ որոնց առաջին տեղում է Սերժ Սարգսյանը, երկրորդ տեղում` Գագիկ Ծառուկյանը, «Առաջին լրատվականին» կարծիք հայտնեց, թե սոցիոլոգիական հետազոտությունների պատվիրողները նրանք են, ում ձայները, ըստ այդ հարցումների, ավելի շատ են: «Քաղաքական ուժերը սկսում են պատրաստվել նոր ընտրությունների, փորձում են տրամադրություններ ստեղծել»,- նշեց Սարգսյանը: Ըստ նրա` դա նշանակում է, որ փորձում են տրամադրություններ ստեղծել նաև իրենց կուսակցությունների ներսում: «Իհարկե, ունեն ներքին անհանգստություն: Այսօրվա կուսակցականներից երաշխիքներ չունեն իրենք: Իրենց գործունեության ողջ իմաստը դա է»,- մեկնաբանեց պարոն Սարգսյանը: