Ֆրանսիայում տեղի մասնագետները հետաքրքիր փորձ են անցկացրել: Նրանք ստուգել են, թե ինչպես է տիեզերքում երկար մնալը ազդում էլիտար գինու որակի վրա:
Ինչպես հաղորդում է «Վեն մինյութ» պորտալը, փորձարկվել է 2000թ. տիեզերք ուղարկված 12 շիշ գինի Բորդոյի գինեգործական տարածաշրջանից: Յուրաքանչյուրի գինը 5 հազար եվրո է:
Այն ուղարկել են ՄՏԿ, որտեղ մնացել է 438 օր և 19 ժամ: Միայն 2021 թվականի սկզբին են շշերը վերադարձրել Երկիր: Դրանից հետո ըմպելիքը պահել են ֆրանսիական ISVV հետազոտական ինստիտուտում, որն զբաղվում էր գինեգործության հետ կապված հարցերի ուսումնասիրությամբ:
Արդյունքում մեկ տարի և երկու ամիս տիեզերքում եղած գինին համտեսել են մարտ ամսին: Նմուշը վերցրել են երկու շշից: Արդյունքում փորձագետները տարբերություններ են հայտնաբերել տիեզերք չուղարկված նույն ապրանքանիշի գինու համեմատ:
Այնուամենայնիվ, տիեզերքում գտնվելը բացասական ազդեցություն չի ունեցել գինու որակի վրա: Ընդհակառակը, երկու շշերի մեջ էլ նկատվել է «բույրի նրբություն»: