Անվերջանալի թվացող միջնորդություններից հետո վերջապես Մարտի 1-ի՝ սահմանադրական կարգը տապալելու մեջ մեղադրվող Ռոբերտ Քոչարյանի և նրա նախկին ենթակաների գործը մտել է դատաքննության փուլ: Երբ դատավոր Աննա Դանիբեկյանը հայտարարեց, որ գործը մտնում է բուն դատաքննության փուլ, ամբաստանյալի պաշտպանները բոյկոտեցին դատական նիստը՝ հապճեպ «փախուստի դիմելով» դատարանի դահլիճից:
«Պաշտպանների պահվածքը շատ բնական էր,- թեմայի շուրջ «Առաջին լրատվական»-ի հետ զրույցում նշեց փաստաբան Սեդա Սաֆարյանը,- գրեթե երկու տարի դատական նիստերը ձգձգվում էին ամենատարբեր պատճառներով, նիստեր կան, որոնք սղագրվել են, պաշտպանները կրկնություններով են հանդես եկել, տպավորություն է, որ ջուր են ծեծել: Պաշտպանական կողմին պետք չէր, որ Մարտի 1-ի գործով փաստերի շարադրանք լինի և հրապարակավ հնչեն հանգամանքների և փաստերի մասին: Պաշտպանական կողմը, ըստ էության, իր հույսը միշտ էլ դրել է ՍԴ-ի վրա, կարծում եմ՝ նրանց միջև ներքին համաձայնությունն իրականում եղել է… ՍԴ-ն 2008թ-ից դեռ առաջ չի գնացել, միշտ մնացել է նույն մտածողության դաշտում»:
Սաֆարյանի կարծիքով՝ Ռոբերտ Քոչարյանի պաշտպանները շարունակելու են նյարդայնացնել ժողովրդին. նրանք անցնելու են Պլան Բ-ին:
Մանրամասն՝ տեսանյութում: