Մարտի 22-ին հանդիպել են Լիբանանի նախագահ Միշել Աունը և վարչապետ Սաադ Հարիրին, բայց կողմերը չեն կարողացել համաձայնության գալ կառավարությունը կազմելու հարցի շուրջ, ինչն ըստ ամենայնի ավելի կսրի իրավիճակը երկրում: Ուշագրավ է, որ ստեղծված ֆոնին արտաքին դերակատարներն իրականացնում են ակտիվ միջնորդական առաքելություն, մասնավորապես հետաքրքիր է Ռուսաստանի ակտիվացումը. ՌԴ ԱԳ նախարար Սերգեյ Լավրովը հայտարարել է, որ սիրիական ճգնաժամն անցնում է Լիբանան: Նշենք նաև, որ ՀՀ արտգործնախարար Արա Այվազյանը ևս հեռախոսազրույց է ունեցել Լիբանանի ԱԳ նախարարի հետ, կողմերը կարևորել են երկողմանի համագործակցությունը, ինչպես նաև անդրադարձել տարածաշրջանային անվտանգության և կայունության հարցերի: Այս և տարածաշրջանային կարևորության մի շարք հարցեր «Առաջին Լրատվական»-ը քննարկել է «Ազդակ» լիբանանյան թերթի գլխավոր խմբագիր Շահան Գանտահարյանի հետ: