Վերջին մի քանի տարիներին խաթարված թուրք-եգիպտական հարաբերությունների կարգավորման համար Թուրքիայի կողմից «դրական ազդակներ» են նկատվում՝ գրում է ermenihaber.am-ը:
Թուրքիայի արտգործնախարար Մևլութ Չավուշօղլուն լրագրողների հետ հարցուպատասխանի ժամանակ անդրադարձել է Թուրքիա-Եգիպտոս հարաբերությունների թեմային:
Չավուշօղլուն նշել է, որ մեկ օրում այդքան հեշտ չի լինում գործել այնպես, կարծես թե ոչինչ չի պատահել և հավելել, որ այդ ամենը ստացվում է կամաց-կամաց հանդիպումներով և ճանապարհային քարտեզի որոշմամբ:
Նրա բնական է համարում այն հանգամանքը, որ այսքան տարիների ընթացքում հարաբերություների խզված լինելու պատճառով վստահության պակաս է ձևավորվել երկու կողմերի մոտ:
«Այդ իսկ պատճառով հանդիպումներ են ընթանում որոշակի ռազմավարության, ճանապարհային քարտեզի շրջանականերում: Եգիպտոսի հետ և՛ հետախուզության, և՛ նաև արտգործնախարարությունների մակարդակով սկսել են շփումները»,-ասել է Թուրքիայի ԱԳ ղեկավարը:
Նրա խոսքով՝ մինչև այժմ ոչ Եգիպտոսից և ոչ էլ Թուրքիայից որևէ նախապայման չի ներկայացվել:
