«Կարողացել ենք վառվող հարցերին լուծում տալ»,- այս մասին «Առաջին լրատվական»-ի հետ զրույցում նշեց Արցախի Հանրապետության աշխատանքի, սոցիալական և բնակարանային հարցերի նախարար Մանե Թանդիլյանը:
Պատերազմում պարտությունից հետո հումանիտար լուրջ խնդիրներ են առաջացել: Երեկ, ամփոփելով Մանե Թանդիլյանի պաշտոնավարման 100 օրը, ներկայացվել են այդ խնդիրների լուծմանն ուղղված ծրագրերը և կատարված աշխատանքները:
«Այս օրերի ընթացքում փորձել ենք հասնել յուրաքանչյուր անհատի, յուրաքանչյուր ընտանիքի: Տոկոսային հարաբերակցությամբ արցախցիների 95-97 տոկոսը ստացել է ուղիղ ֆինանսական աջակցություն՝ տարբեր չափի, տարբեր նշանակության: Հայաստանի կառավարության հետ համատեղ իրականացված ֆինանսական աջակցությունը հնարավորություն է տվել հրատապ հարցերը լուծել: Մենք աջակցել ենք նաև սննդամթերքով, հագուստով և կենցաղային պարագաներով՝ մեզ դիմած քաղաքացիների կարիքն արձանագրելուց հետո: 300 հազար դրամի աջակցության ծրագրից օգտվել է 35 հազար քաղաքացի, որոնց 30 տոկոսը Արցախում է, մյուս մասը՝ Հայաստանում: Ավարտին է մոտենում 68 հազար+15 հազար ծրագիրը, որի շահառուների թիվը կազմում է 108 հազար, և նրանց 97 տոկոսն արդեն փաստացի սպասարկվել է: Մեկնարկել են նոր ծրագրեր»,- նշեց նախարարը:
Թանդիլյանը վստահեցրեց, որ արցախցիներն աջակցություն ստանում են առանց Արցախ վերադառնալու հարկադրանքի: «Յուրաքանչյուր արցախցի պետք է վստահ լինի, որ որտեղ էլ լինի, հասնելու ենք իրեն»,- նշեց Մանե Թանդիլյանը:
Մանրամասն՝ տեսանյութում:
