Բրիտանական գահաժառանգ, Ուելսի արքայազն Չարլզը հրաժարվել է շփվել իր որդու՝ Սասեքսի դուքս Հարրիի հետ, երբ իմացել է իր կնոջ՝ Մեգան Մարքլի հետ թագավորության ավագ անդամի կարգավիճակից իր հրաժարվելու որոշման մասին, կապված այն բանի հետ, որ պալատում իրենց չեն հասկացել և աջակցություն չեն ցուցաբերել։Այս մասին հայտարարել է ինքը՝ արքայազն Հարրին, կիրակի օրը CBS- ով հեռարձակված զրույցում:
Նրա խոսքով, ինքը որոշել է Եղիսաբեթ Երկրորդ թագուհու և արքայազն Չարլզի հետ քննարկել բրիտանական թագավորական ընտանիքի ավագ անդամների պարտականությունները վայր դնելու որոշումը`դրա մասին հրապարակավ հայտարարելուց անմիջապես առաջ: Սասեքսի դուքսը պարզաբանել է, որ երբ իր կնոջ հետ Կանադայում էր, նա երեք զրույց է ունեցել տատիկի հետ և երկուսը`իր հոր հետ, նախքան նա դադարեցրել է պատասխանել իր զանգերին և խնդրել է այս ամենը գրավոր ներկայացնել: Արքայազն Հարրին նշել է, որ ինքը կատարում է այդ ամենը և նույնիսկ այնպիսի մանրամասներ ներառել, ինչպիսիք են որոշման հրապարակման հավանական ամսաթիվը:
Երբ ամերիկացի հեռուստահաղորդավարուհի Օփրա Ուինֆրին հարցրել է նրա հոր արձագանքի մասին, արքայազն Հարրին պատասխանել է, որ դա կապված է այն բանի հետ, որ ինքը գործն իր ձեռքն է վերցրել․ «Ես պետք է դա անեի իմ ընտանիքի համար», – հավելել է նա:
