Շվեդ գիտնականները նորածին երեխայի մոտ կորոնավիրուսի նոր շտամ են հայտնաբերել, հաղորդում է The Conversation-ը: Դա տեղի է ունեցել Մալմյոյի հիվանդանոցներից մեկում: Երեխան լույս աշխարհ է եկել կեսարյան հատման միջոցով: Թե՛ մոր, թե՛ երեխայի կորոնավիրուսի ախտորոշման թեստի պատասխանը դրական է եղել:
Ընդ որում, նորածնի մոտ կորոնավիրուսի նոր շտամ է հայտնաբերվել: Միաժամանակ պարզվել է, որ երեխան վարակվել է ծնվելուց առաջ: «Սա կորոնավիրուսի գենետիկ փոփոխության առաջին դեպքն է՝ մինչև ծնվելը մորից պտղին փոխանցելու յուրահատուկ պայմաններում»,- ասել է Լունդի համալսարանական հիվանդանոցի մանկաբարձ-գինեկոլոգ Մեհրեն Զայգամը:
Ծնվելուց հետո երեխան գտնվել է բժիշկների հսկողության ներքո, քանի որ ժամանակից շուտ է լույս աշխարհ եկել: Երեխան կորոնավիրուսը հեշտ է տարել, և նրա մոտ հակամարմիններ են հայտնաբերել, որը չի եղել մայրական կաթում, այսինքն՝ դրանք արտադրել է հենց նորածնի օրգանիզմը:
