Մարմարիկ գյուղի հարևանությամբ լեռան գագաթին սոճիների պուրակը հատել են: Փաստի մասին ահազանգել է տեղակտվական անվտանգության մասնագետ Սամվել Մարտիրոսյանը, ով պատահմամբ գտել է արդեն հատված տասնյակ ծառերը:
«Առաջին լրատվականի» հետ զրույցում Ս.Մարտիրոսյանը հայտնեց, որ դեպքի մասին երեկ նամակ է հղել Բնապահպանության նախարարություն, սակայն առայժմ արձագանք չկա:
Ս.Մարտիրոսյանը համոզված է, որ ծառահատումն ապoրինի է, քանի որ հատվել են երիտասարդ սոճիներ, կոճղերի վրա հատողները հող են լցրել, և շատ դեպքերում միայն մոտիկից կարելի է տեսնել, որ հատումը թարմ է: Ըստ նրա, 3 օր առաջ վիճակը դեռ այդպիսին չէր: Կտրած ծառերի մի մասը տեղում է, և Ս.Մարտիրոսյանը ենթադրում է, որ ծառահատները դեռ կվերադառնան: Ընդ որում, նրանք աշխատել են ձեռքի սղոցով`աղմուկից խուսափելու համար:
Ըստ ամենայնի, սոճիների պուրակը տնկված է, քանի որ ծառերը շարքերով էին աճում:
