«Ժողովուրդ» օրաթերթի տեղեկությունների համաձայն՝ կարծես թե արդեն հստակ է, որ ԱԺ «Իմ քայլը» խմբակցության ղեկավար Լիլիթ Մակունցը լքելու է Հայաստանը ու տեղափոխվի Ամերիկայի Միացյալ Նահանգներ:
Բանն այն է, որ Մակունցի ագրեմանն արդեն ուղարկվել է ԱՄՆ, որպեսզի վերջինս այնտեղ նշանակվի ԱՄՆ-ում ՀՀ արտակարգ և լիազոր դեսպան:
Լավատեղյակ աղբյուրները փոխանցում են, որ Մակունցի ագրեմա¬նը դեռևս չի հաստատվել, բայց ԱՄՆ-ից դրական արձագանքներ կան, Մակունցի կենսագրությունը անբիծ է, ու նորմալ են վերաբերվել նրա՝ դեսպան նշանակվելուն:
ԱԺ «Իմ քայլը» խմբակցության պատգամավորների կարծիքով՝ մինչև ամառ Լիլիթ Մակունցն արդեն կլքի իրենց ու կհեռանա Հայաս¬տանից: Խմբակցությունում այդքան էլ ոգևորված չեն այս որոշումով քանի որ, շատերի կարծիքով, Մակունցին հաջողվել էր որպես խմբակցության ղեկավար շատ հարցերի լուծումներ գտնել:
Հիշեցնենք, որ դեռևս 2018 թվականի հոկտեմբերին ՀՀ նախագահ Արմեն Սարգսյանի հրամանագրով Վա¬րուժան Ներսիսյանը նշանակվել է ԱՄՆ-ում ՀՀ արտակարգ և լիազոր դեսպան: Ներսիսյանը համարվում է ՀՀ երրորդ նախագահ Սերժ Սարգսյանի ամենամտերիմ մարդկանցից մեկը, ինչի համար էլ, կարծես թե, իշխանություններ նպատակ ունեն նրան հեռացնել այդ պատասխանատու պաշտոնից»:
Առավել մանրամասն՝ թերթի այսօրվա համարում:
