Վերջին օրերի ներքաղաքական ազդակներից կարելի է հետևություն անել, որ պայքար է գնում ընդդիմության դաշտում առաջատար դեր ստանձնելու համար, և դրանով հիմնականում զբաղված է նախին համակարգը ներկայացնող սեգմենտը: Այս մասին «Առաջին լրատվական»-ի հետ զրույցում այս մասին ասաց վերլուծաբան Հակոբ Բադալյանը:
«Ակնհայտ է, որ «17»-ի ներսում հակասությունների մթնոլորտն ավելի է մեծանում, շահերի բախում է առաջացել: Այդ ուժերը, չնայած իշխանությանը միասնաբար թիրախավորելուն, միմյանց միջև ունեն բազմաթիվ խորքային խնդիրներ, և երբ արդեն արագ արդյունքի մարտավարությունը չի աշխատել, բնական է՝ շարժման լիդերների շահերի բախման մթնոլորտն է սկսում թելադրող դառնալ:
Ռոբերտ Քոչարյանի հայտարարության ենթատեքստում այն էր, որ նա կա՛մ 17-ից կանջատվի և առանձին կմասնակցի ընտրություններին, կա՛մ «17»-ը իրեն պետք է ճանաչի որպես առաջնորդ և գործի իր քաղաքական հաշվարկների և տրամաբանության ներքո: 17-ի ձևաչափում է նաև Սերժ Սարգսյանը, կարծում եմ, որ նրա նպատակն այնտեղ հակառակն է՝ վերահսկել իրավիճակը և թույլ չտալ, որ որևէ մեկն ավելի առաջանցիկ տեմպով սկսի կառավարել նախկին համակարգը: Վազգեն Մանուկյանն էլ մնացել է այս երկու առանցքային խաղացողների խաղի արանքում»,- նշեց Բադալյանը:
Պատմաբան Դավիթ Թինոյանի դիտարկմամբ՝ Ռոբերտ Քոչարյանը փորձ արեց իրեն առանձնացնել հրապարակի ընդդիմությունից, բայց այդ փորձը ոչ ամբողջությամբ ստացվեց: «Քոչարյանամերձ գոտում գտնվող ուժեր կան 17-ի ձևաչափում և նրա ազդեցությունը պահպանվում է այնտեղ: Մենք տեսնում ենք, որ ՀՀԿ-ն 17-ի մեջ առաջին ջութակի դերակատարություն չի ստանձնում, բայց դա չի նշանակում, որ առաջինների մեջ չէ»,- նշեց Թինոյանը:
Մանրամասները՝ տեսանյութում:
