Կորոնավիրուսի դեմ ռուսաստանյան «Սպուտնիկ V» պատվաստանյութի հաջողությամբ կիրառումը եւ պատրաստումների արդյունքների դրական գնահատականները կարող են Ռուսաստանի գլոբալ հաջողության սկիզբը դառնալ այդ ոլորտում: Այդ մասին գրում է The Washington Post ամերիկյան պարբերականը:
Հրապարակման հեղինակը նշում է, որ «ոչ այնքան վաղուց ռուսաստանյան կորոնավիրուսային պատվաստանյութի շուրջ խոսակցությունները ծաղրանքներ են առաջացրել» Միացյալ Նահանգների պաշտոնական ներկայացուցիչների մոտ:
«Բայց այժմ «Սպուտնիկ V»-ն, որը կոչվում է աշխարհում առաջին արբանյակի պատվին, որի արձակմամբ Խորհրդային Միությունն ի սկզբանե գերազանցեց ամերիկացիներին տիեզերական մրցավազքում, կարծես սկսում է հաջողության պատմություն դառնալ միջազգային մասշտաբով»,- գրում է նա:
Հոդվածում ուշադրություն է դարձվում այն բանին, որ այդ գնահատականները հայտնվել են այն ժամանակ, երբ The Lancet բրիտանական բժշկական հանդեսը հոդված հրապարակեց, որում հաստատվեց, որ պատվաստանյութը 91.6 տոկոս արդյունավետություն ունի առաջին ներարկումից հետո 21 օր անց եւ 91.8 տոկոս՝ այն անձանց մոտ, որոնք 60-ից բարձր տարիքի են:
«Դա նրան դնում է Pfizer-BioNTech-ի եւ Moderna-ի նշանավոր պատվաստանյութերի հետ մի շարքում»,- գրում է պարբերականը: Նա նշում է, որ «տասնյակից ավելի երկրներ հավանություն են տվել պատվաստանյութին շտապ կիրառման համար, եւ այժմ, երբ այն ստացել է The Lancet-ի հավանությունը, պատրաստուկի ավելի լայն կիրառման հնարավորությունն աճել է»:
«Սպուտնիկ V»-ն զգալիորեն ավելի էժան է իր արեւմտյան մրցակիցների համեմատությամբ եւ պահանջում է պահպանման այն նույն ուլտրասառը ենթակառուցվածքը, որը դժվարացնում է Pfizer պատվաստանյութի տարածումը զարգացող երկրների մեծ մասում, գրում է հոդվածի հեղինակը, հաղորդել է «Ինտերֆաքս»-ը:
