Իտալիայի առաջնության 21-րդ տուրի կենտրոնական խաղում այսօր երեկոյան «Յուվենթուսը»՝ Թուրինում կմրցի «Ռոմայի» հետ։ Այս պահին Հռոմի թիմը 40 միավորով երրորդն է, իսկ «Յուվենտուսը»՝ 39 միավորով 4-րդը։ Մրցաշարային աղյուսակը 47 միավորով գլխավորում է «Ինտերը»»։ Երկրորդ տեղում գտնվող «Մլանն» ունի 46 միավոր։
Նշենք, որ «Յուվենտուսը» մեկ հանդիպում ավելի քիչ է անցկացրել, քան «Ռոման»։ Այս մրցավեճը սկզբունքային լինելուց զատ կարևոր է նաև մրցաշաային առումով։ Հաղթանակի դեպքում Իտալիայի գործող չեմպիոն «Յուվենտուսը» կամրապնդվի լավագույն եռյակում և լավ նախադրյալներ կստեղծի առաջին հորիզոնականի համար պայքարելու։ Այս մրցավեճը առանձնահատուկ է նաև երկու թիմերի առաջատարների դիմակայության տեսանկյունից։ Խոսքը Կրիշտիանի Ռոնալդուի և Հենրիխ Մխիթարյանի մասին է։ Այո, վստահաբա կարող ենք ասել, որ ընթացիկ մրցաշրջանում Մխիթարյանը «Ռոմայի» առաջատարն է։ Նախորդ տուրում, «Վերոնայի» դեմ մրցավեճում Մխիթարյանը խփեց 9-րդ գնդակը ընթացիկ առաջնությունում։ Գոլ գումարած գոլային փոխանցում հաշվարկում հայ կիսապաշտպանը շարունակում է բարձր դիրք զբաղեցնել ոչ միայն Իտալիայում այլևս թոփ-5 առաջնություններում։ Մասնավորապես, հայ ֆուտբոլիստը զիջում է միայն «Մանչեսթեր Յունայթեդի» կիսապաշտպան Բրունու Ֆերնանդեշին ով խփել է 11 գնդակ և կատարել 8 գոլային փոխանցում։
Մխիթարյանը խփելով 9 գնդակ կատարել է 8 գոլային փոխանցում։ Ի դեպ գոլ + գոլային փոխանցում հաշվարկում Մխիթարյանն Իտալիայում առաջին հորիզոնականը կիսում է հենց Կրիշտիանու Ռոնալդուի հետ։ Հայ ֆուտբոլիստն ունի 17 միավոր։ Նույնքան միավոր ունի նաև Ռոնալդուն (15 գոլ, 2 փոխանցում)։ Գոլ+փոխանցում համակարգով Մխիթարյանին ու Ռոնալդուին հաջորդում են Չիրո Իմոբիլեն ու Ռոմելու Լուկակուն։ Նրանք 16 միավոր են վաստակել։ Ինչ վերաբերվում է գոլային փոխանցումների հաշվարկին, ապա մեր ֆուտբոլիստը արդեն տևական ժամանակ վստահաբար առաջին հորիզոնականում է։ Նա երկու միավորով գերազանցում է երկրորդ հորիզոնականում գտնվող «Նապոլիի» կիսապաշտպան Դրիս Մերտենսին։ Հիշեցնենք, որ մկանային վնասվածքի պատճառով Մխիթարյանը չէր չմասնակցել «Սպեցիայի» դեմ Իտալիայի առաջնության 19-րդ տուրի հանդիպմանը: Իտալիայի ընթացիկ առաջնությունում միակ հանդիպում է, որին մեր հավաքականի ավագը չի մասնակցել։
Ինչևէ, այսօր գոլ կամ գոլային փոխանցում կատարելու դեպքում գոլ + գոլային փոխանցում հաշվարկում Մխիթարյանը կշրջանցի աշխարհի լավագույն ֆուտբոլիստներից մեկին։ Իտալացի որոշ վերլուծաբանների կարծիքով այսօրվա հանդիպումը «Ռոմայի» համար շրջադարձային կարող է լինել։ Մասնավորապես, պորտուգալացի մասնագետ Պաուլու Ֆոնսեկայի թիմը արդյոեւնավետ է խաղում հատկապես միջին և ավելի թույլ թիմերի դեմ, իսկ ահա ուժեղ մրցակիցների դեմ սովորաբար անհաջողության է մատնվում։ «Յուվենտուսին» հաղթելու պարագայում «Ռոման» կարող է կոտրել սառույցը ապացուցելով, որ կարող է և արժանի է տեղ զբաղեցնել մրցանակային եռյակում։ Բուքմեյքերներն այսօրվա մրցավեճում ֆավորիտ են համարում դաշտի տերերին։
«Յուվենտուսի» հաղթանակի համար սահմանված է 1․7 գործակից։ Ոչ-ոքի գնահատված է 4․2, իսկ «Ռոմայի» հաղթանակը՝ 4․8 գործակցով։ «Յուվենտուս»-«Ռոմա» հանդիպումը կսկսվի Երևանի ժամանակով 21-ին։