Պեկինը վեճի մեջ է մտել Վաշինգտոնի հետ՝ ույղուրների նկատմամբ սեռական բռնությունների պատճառով:
Միացյալ Նահանգները ևս մեկ անգամ մտահոգություն է հայտնել Չինաստանի Սինցզյան-Ույղուրյան ինքնավար շրջանում ույղուրների վիճակի կապակցությամբ: Վաշինգտոնը մատնանշել է կանանց «նկատմամբ սեռական ոտնձգությունների և բռնաբարությունների» մասին հաղորդագրությունները:
Խոսքը Սինցզյանի ճամբարներում էթնիկ ույղուրների և այլ մահմեդականների նկատմամբ բռնությունների մասին է:
«ՉԺՀ-ի իշխանությունները պետք է միջազգային դիտորդներին թույլ տան անհապաղ և անկախ հետաքննություն անցկացնել այս ցնցող պնդումների, ինչպես նաև Սինցզյանում կատարվող այլ վայրագությունների վերաբերյալ»,- հայտարարել է ԱՄՆ Պետդեպը:
BBC-ն հոդված է հրապարակել Սինցզյանի ուղղիչ ճամբարներում գտնվող կանանց բռնաբարությունների և խոշտանգումների մասին: Չինաստանի ԱԳՆ-ն հայտարարել է, որ հոդվածը զերծ է «փաստական հիմքերից»: Չինաստանում գտնում են, որ լրագրողները նկարահանել են դերասանների և սեռական բռնության մասին կեղծ տեղեկություններ են տարածում:
