Monday, 23 05 2022
12:51
ԱՄՆ-ի կառավարական պատվիրակությունը կայցելի Ղազախստան, Ղրղզստան, Ուզբեկստան եւ Տաջիկստան
«Մի հատ նայեք ինչ ընթացքում է․․․»․ Խարբերդում նոր մանկապարտեզ են կառուցում
12:42
ԿԺԴՀ-ում տենդի ախտանիշներով քաղաքացիների թիվը հասել է 2,8 միլիոնի
Կանցկացվի «ՀՀ Վարչապետի գավաթ» սիրողական հեծանվավազքի մրցաշարը. մասնակիցները Շողակաթ կմեկնեն գնացքով
Հայտնաբերվել է Սևանա լճում կորած քաղաքացիներից մեկի դին․ որոնողական աշխատանքները շարունակվում են
Հավաքական Արևմուտքը մարդու իրավունքները ենթարկեցնում է աշխարհաքաղաքական շահերին. Արցախի օմբուդսմեն
Արցախի դպրոցներում «Վերջին զանգ»-ը կհնչի մայիսի 27-ին
Վահրամ Դումանյանն ու Ժաննա Անդրեասյանը Լոնդոնում կմասնակցեն Համաշխարհային կրթական ֆորումին
Արթուր Թովմասյանն այցելել է ՀՀ-ում ԱՀ կառավարության օպերատիվ շտաբ
Արցախում ուզում են անցնել կիսանախագահական կառավարման համակարգի․ ինչո՞ւ է Ստեփանակերտը փոխում կառավարման մոդելը
Հայաստանն առաջին անգամ նշանակվել է Առողջապահության համաշխարհային կազմակերպության գլխավոր կոմիտեի անդամ
Ցուցարարների 5 րոպեանոց ակցիան մետրոյում․ կան բերման ենթարկվածներ
Հայաստանում կորոնավիրուսի դեմ ամբողջապես պատվաստվել է 1 միլիոն 7 հազար 605 մարդ
«Արա, 5 րոպեն ձեզ ինչ պիտի անի»․ տարեց տղամարդը՝ ցուցարարներին
12:03
Կանադայում փոթորիկն ութ մարդու կյանք է խլել եւ առանց Էլեկտրականության թողել հազարավոր կանադացիների
300 անձի նկատմամբ ապօրինի գույքի կալանքի հարց կա․ ինչու է այս գործընթացը դանդաղում
Միայն Հայաստանում է, որ ցուցարարների առաջին շարքում դոլարով միլիոնատերերն են, և դա կոչվում է «փրկություն»
«Շուտ պետք ա անեիք, մեկը մեկի վրա մի գցեք»․ Հրաչյա Սարգսյանի հանձնարարականը
Նախագահ Վահագն Խաչատուրյանը մասնակցել է Դավոսի Համաշխարհային տնտեսական համաժողովի բացմանը
Հաշվի առնելով Ծիծեռնակաբերդի խճուղու փլուզումը՝ այլընտրանքային ճանապարհ պիտի ունենանք. քաղաքապետ
11:30
Ուկրաինայում Ռուսաստանի 3 ամսվա կորուստները համեմատելի են Աֆղանստանում ԽՍՀՄ-ի 9 տարվա կորուստների հետ
Հայ-ադրբեջանական բանակցային գործընթացը երեք ուղղությամբ է ընթանում․ որոշակի առաջընթաց կա
Շրջանառության մեջ է դրվել «Դավիթ Բեկ» հուշադրամը
Բրյուսելյան գործընթացը առաջ գնալու միտում ունի․ «խանդոտ» Մոսկվան ևս կնախաձեռնի եռակողմ հանդիպում
Նվազագույն սպառողական զամբյուղի ապրանքների գները – Մայիսի 23-25
11:10
Բայդենը Կիսիդայի հետ հանդիպմանը հայտարարել է Ճապոնիային պաշտպանելու՝ ԱՄՆ-ի հաստատակամ հանձնառությունը
Հայտնաբերվել է Մարտակերտի շրջանի Քոլատակ համայնքի տարածքում անհետացած քաղաքացին
Տարադրամի փոխարժեք – Մայիսի 23, 2022
Հայտնի են հայ բռնցքամարտիկների մրցակիցները Եվրոպայի առաջնությունում
Նոր նշանակումներ Երևանի քաղաքապետարանում

Սերժի Վաչոն ամոթ ունենար՝ գլուխը տնից չէր հանի. նա Պատրոն Դավոյի հետ պետք է մեղադրյալի աթոռին նստած լիներ

Երևան քաղաքի ընդհանուր իրավասության դատարանը որոշում կայացրեց բավարարելու պաշտպանության նախարարի նախկին խորհրդական, Պատրոն Դավո անունով հայտնի Դավիթ Գալստյանին կալանավորելու ԱԱԾ միջնորդությունը։ Երեկ, մինչ դատարանը կքններ ԱԱԾ միջնորդությունը, դատարանի բակում հավաքվել էին նրա աջակիցները, որոնց թվում էր նաև Սերժ Սարգսյանի թիկնազորի նախկին պետ Վաչագան Ղազարյանը՝ Սերժի Վաչոն։ Վերջինս, ինչպես հայտնի է, անցնում է մի քանի քրեական գործով։ Ճիշտ է, դրանք հերթով կարճվում են, սակայն դեռևս քննվող գործեր կան։

Վերջին քրեական գործը հարուցվել էր պատերազմից առաջ։ Քրեական գործը հարուցվել էր Վաչագան Ղազարյանին պատկանող «Յանս» ռեստորանային համալիրում երկար տարիներ հաշվապահ աշխատած Սուսաննա Արիստակեսյանի հաղորդման հիման վրա։ Վերջինս «Առաջին լրատվական»-ին պատմել էր, որ ինքն է հաղորդում ներկայացրել Հատուկ քննչական ծառայությանը և տեղեկացրել, որ տարիներ շարունակ Ազգային անվտանգության ծառայության պետական պահպանության ծառայության աշխատակիցները հսկել են Ղազարյանին ու նրա կնոջը պատկանող «Յանս» ռեստորանային համալիրը, իսկ ՊՊԾ մեկ այլ աշխատակից կցված է եղել Վաչագան Ղազարյանի կնոջը՝ Ռուզաննա Բեգլարյանին, աշխատել է որպես Ռուզաննա Բեգլարյանի վարորդ: Այսինքն՝ տարիներ շարունակ Վաչագան Ղազարյանն ու իր կինը իրենց գրպանից ավելորդ գումար չծախսելու համար պետության հաշվին վարորդ են ունեցել, իսկ իրենց պատկանող ռեստորանային համալիրի անվտանգությունը ամեն երեկո հսկել են երկու ԱԱԾ աշխատակից։ Այսինքն՝ 6 աշխատող ամեն օր հերթափոխով իրականացրել է ռեստորանի անվտանգության հսկողությունը։

Սուսաննա Արիստակեսյանը  «Առաջին լրատվական»-ի հետ զրույցում զարմանք հայտնեց, որ Սերժի Վաչոն, հերիք չի ազատության մեջ է, դեռ գնում է դատարանի բակեր և իր ընկերներին է աջակցում։ «Այդ դատարաններում, մեղադրյալի աթոռին նաև ինքն ու իր կինը պետք է նստած լինեին։ Ոչ թե հիմա ազատության մեջ ման գային։ Իրենք թալանել են ամբողջ պետությունը։ Ինքը՝ նույն Պատրոն Դավոն, որը Սերժի Վաչոյի դստեր երեխաների քավորն է։ Սերժի Վաչոն որ ամոթ, աբուռ ունենար՝ գլուխը տնից չէր հանի, բայց գնում է ընկերների դատերին, պոդերժկա է անում։ Սա խայտառակություն է»,- ասաց տիկին Արիստակեսյանը։

Մեր զրուցակցի խոսքերով՝ Վաչագան Ղազարյանի դեմ ներկայացրած հաղորդումից հետո ինքը երկու անգամ է կանչվել հարցաքննության։ Երկու անգամ էլ նույն հարցն են տվել՝ քանի «ախրանիկ» է տեսել «Յանս»-ում։ «Ես էլ ճիշտ ասել եմ, որ ամեն երեկո երկու անվտանգության աշխատող է եղել, որոնք եղել են ԱԱԾ աշխատողներ։ Բայց ԱԱԾ-ն ոչ «Սելենա» ՍՊԸ-ի, ոչ էլ «Արմեն» ՍՊԸ-ի հետ կնքած որևէ պայմանագիր չուներ, որ այդ աշխատակիցները իրավունք ունեին հսկելու «Յանսը»։ Այսքանով ավարտվել է հարցաքննությունը ու առ այսօր հայտնի չէ, թե ինչ քննություն է գնում»,- ասաց տիկին Արիստակեսյանը։

Նշենք, որ դեռևս անցած տարի, երբ հայտնի դարձավ այս քրեական գործի մասին, պաշտոնական հաղորդագրության մեջ նշվեց, որ Վաչագան Ղազարյանը վերադարձրել է պետությանը պատճառված վնասը։ Դա, ըստ էության, վարորդի մասով առաջացած գումարն է եղել, և հիմա, թերևս, փորձ է արվում անվտանգության աշխատողների վերաբերյալ գործն էլ «ջրել» և Ղազարյանին այս անգամ էլ ջրից չոր հանել։
Սուսաննա Արիստակեսյանի խոսքերով՝ և՛ քննիչները, և՛ դատախազները, և՛ Վաչագան Ղազարյանի վերաբերյալ գործերը հսկող դատախազները վախենում են նրանից և չեն համարձակվում օբյեկտիվ քննություն իրականացնել։

Հիշեցնենք, որ Վաչագան Ղազարյանը մեղադրվում էր նաև Սուսաննա Արիստակեսյանից շորթում կատարելու համար։ Սակայն 2020-ի փետրվարին շորթում կատարելու դեպքի առթիվ հարուցված քրեական գործը կարճվեց՝ հանցակազմի բացակայության հիմքով։

«Յանս» ակումբի տնօրեն Սերգեյ Կարապետյանը 2017թ. հաղորդում էր ներկայացրել ակումբի գլխավոր հաշվապահ Սուսաննա Արիստակեսյանի դեմ՝ պնդելով, թե վերջինս ակումբից հափշտակել է 25 միլիոն դրամ: Դեպքի առթիվ հարուցված քրգործով Արիստակեսյանին մեղադրանք էր առաջադրվել ՀՀ ՔՕ 179 հոդվածի 3-րդ մասով՝ առանձնապես խոշոր չափի յուրացման համար: Մեկ տարի անց՝ 2018 թ. հեղափոխությունից հետո, հաղորդում էր ներկայացրել նաև Արիստակեսյանը՝ հայտարարելով, որ նույն Սերգեյ Կարապետյանը, Վաչագան Ղազարյանն ու նրա կինը իրենից գումար են շորթել: Ընդ որում, Արիստակեսյանը նշել էր, որ իրենից պահանջել են այդ ենթադրյալ վնասից շատ ավելին՝ 40 միլիոն դրամ, որը ինքը վճարել է սպառնալիքների ներքո: Արիստակեսյանը բավարար ապացույցներ էր ներկայացրել շորթման փաստը հիմնավորող, սակայն այդ դրվագով գործը կարճվեց։

«Հիմա իմ գործը գցել են կրուգի մեջ ու պտտում են։ Քննիչը փոխվեց, դատախազը փոխվեց։ Նոր դատախազ եկավ։ Հիմա տեղեկություններ կան, որ նորից է փոփոխություն լինելու, և այս ամենը մեկ նպատակ է հետապնդում՝ ժամանակ ձգել։ Նոր դատախազը, քանի որ վախենում է Սերժի Վաչոյից, 3.5 տարի հետո սկսել է գործը զրոյից քննել։ Նա ցուցում է տվել քննիչին, որը ուզում էր գործը տանել կարճման։ Հիմա կարճման չեն տանում, այլ զրոյից սկսում են քննել գործը։ Հիմա քննիչին դատախազը ցուցում է տվել չորրորդ անգամ գործը ուղարկել փորձաքննության։ Բացի դրանից, պետք է ստուգում և գույքագրում կատարվի «Յանս»-ում, որը, չգիտես ինչու, կատարելու է «Յանսի» տնօրենը՝ Սերգեյ Կարապետյանը։ Այսինքն՝ տուժող կողմին հնարավորություն է տրվել կատարել ստուգում և գույքագրում՝ այն դեպքում, երբ գործը ուղարկվել է փորձաքննության, և փորձագետներն էին պարտավոր կատարել ստուգում և գույքագրում, այլ ոչ թե «Յանս»-ի տնօրեն Սերգեյը, որը իմ գլխին սարքել է»,- ասաց Արիստակեսյանը՝ հավելելով, որ բողոքարկել է այդ որոշումը, դիմել է դատարան, որ գույքագրման և ստուգման վերաբերյալ որոշումը չեղարկվի, սակայն այդ դատական պրոցեսն էլ առանձնապես առաջ չի գնում։ «Սերգեյը 3.5 տարի հնարավորություն ուներ ստուգելու «Յանսը»։ Ինչո՞ւ հիմա։ Սրանով իրենք նորից փորձում են ժամանակ ձգել։ Ստացվում է, որ և՛ քննիչը, և՛ դատախազը, և՛ հսկող դատախազը, և՛ փորձագետները վախենում են Սերժի Վաչոյից։ Իսկ եթե նրանք չվախենան ու սկսեն ճիշտ քննել գործը, ապա Սերժի Վաչոն ու իր բանդան պետք է ենթարկվեն պատասխանատվության։ Թե հետո ինչ է լինելու, արդեն չգիտեմ»,-եզրափակեց Սուսաննա Արիստակեսյանը։

 

Բաժիններ
Ուղիղ
Լրահոս
Որոնում