Tuesday, 19 03 2024
Ողբերգական վթար Սյունիքի մարզում. մեքենայի հրդեհվելու հետևանքով զոհվել է 4 հոգի, այդ թվում 11-ամյա երեխա
Չարենցավանի կամրջի մոտ մեքենաներ են բախվել
Վահագն Խաչատուրյանը շնորհավորական ուղերձ է հղել Վլադիմիր Պուտինին
Լուրերի օրվա թողարկում 14։00
14:00
Live. «Առաջին լրատվական» տեղեկատվական-վերլուծական կենտրոն
Ակնկալում ենք ՆԱՏՕ-ի աջակցությունը ՀՀ-Ադրբեջան խաղաղության գործընթացին. Փաշինյան
ՆԱՏՕ-ն աջակցում է Հայաստանի ինքնիշխանությանը և տարածքային ամբողջականությանը. գլխավոր քարտուղար
Հուսով ենք, որ Հայաստան-ՆԱՏՕ նոր ձևաչափով գործունեության ծրագիրը շուտով կհաստատվի
Եթե ամեն հուշարձանի համար մեկ հսկող կցենք, ապա կունենանք ավելի շատ հուշարձան, քան՝ մարդկային ռեսուրս
Սպասվում են ձյան առատ տեղումներ, առանձին հատվածներում՝ բուք, ցածր հորիզոնական տեսանելիություն
Մենք կկորցնենք մեր բոլոր սահմանները, եթե մտանք նոր սահման գծելու տրամաբանության մեջ. Փաշինյան
Էն որ ասում են` Տավուշի գյուղերը ուզում է տա, էս մարզում Խրեմլու անունով գյուղ կա՞, ո՞վ է ղեկավարը
Ծառը կոտրվել ու ընկել է մեքենայի վրա
Վարդենիսում էլ ենք դպրոց սարքում, ու թող էլ չասեն՝ էս ինչ բանը փակում են, որովհետև տալիս են
Կասե՞ք ի վերջո, էդ «Fly Arna»-ն ի՞նչ եղավ, փակվե՞ց, լիցենզիան ավարտվե՞ց. Գաբրիելյանը` փոխնախարարին
««Պատիվ ունեմ» խմբակցությունը ներկա է, բայց չի գրանցվում». ԱԺ-ն քվորում չապահովեց
ՔՊ նորընտիր պատգամավոր Դավիթ Կարապետյանը ԱԺ ամբիոնից երդվեց
Շփման գիծը փոխում ենք սահմանով, կարող է զորքերի փոխարեն դիրքերում լինեն սահմանապահներ. Փաշինյան
Ժողովու’րդ, ձեր հարցերի պատասխանները գտնելու ենք, հիմա, թողեք ոտք-ոտք քայլենք առաջ. Փաշինյան
Սահմանագծման և սահմանազատման գործընթացը կսկսենք Բաղանիսից Բերքաբեր ընկած էդ տարածքից. Փաշինյան
13:00
«Եթե խաղաղություն ենք ուզում, պետք է պատրաստվենք պատերազմի»․ Շառլ Միշելի հոդվածը
Տեղի է ունեցել ՀՀ վարչապետի և ՆԱՏՕ-ի գլխավոր քարտուղարի առանձնազրույցը
«Տաշիր» առևտրի կենտրոնը մասնակի փակվել է
Տրոլեյբուսը հայտնվել է խրամուղում. շինարարը կտուգանվի
8 բեռնատարից 7-ի մեջ հայտնաբերվել է մաքսային հսկողությունից թաքցված 7500 տուփ ծխախոտ
Նիկոլ Փաշինյանը շնորհավորել է Վլադիմիր Պուտինին նախագահի պաշտոնում վերընտրվելու առիթով
Ուղիղ. Նիկոլ Փաշինյանի և Ենս Ստոլտենբերգի ասուլիսը
Զախարովան մեկնաբանել է պատերազմի մասին Փաշինյանի խոսքերը
12:13
МИР քարտերի սպասարկման դադարեցում․ IDBank
12:09
Հայէկոնոմբանկի Visa Business քարտերն այժմ ավելի շահավետ պայմաններով

«Մենք պարկի մեջ ենք. Ստեփանակերտի օդակայանի շահագործումը մեզ օդ ու ջրի պես պետք է»

«Մենք պարկի մեջ ենք հայտնվել։ Ստեփանակերտի օդանավակայանի շահագործումը մեզ օդ ու ջրի պես պետք է»,- «Առաջին լրատվական»-ի հետ զրույցում ասաց Արցախի խորհրդարանի արտաքին հարաբերությունների հանձնաժողովի նախագահ Վահրամ Բալայանը։

Միևնույն ժամանակ, Բալայանի խոսքով, հստակ չեն շահագործման ժամկետները, և պարզ չէ, թե այս պահին ինչ աշխատանքներ են ընթանում: «Վստահ տեղեկատվություն չկա այս պահին։ Ավելի շատ խոսակցություններ են, նման խոսակցություններ կան, որ պետք է շահագործվի օդակայանը, բայց թե ոնց կլինի՝ ես չեմ կարող ասել»,- ասաց Բալայանը։

Մեր հարցին՝ պաշտոնական մակարդակում բանակցություններ վարվո՞ւմ են օդանավակայանի վերջնական շահագործման հետ կապված, Բալայանը պատասխանեց. «Ավելի շատ երևի խաղաղապահ ուժերն են այդ ուղղությամբ աշխատում։ Իսկ թե աշխատանքները ինչ աստիճանի են հասել, ուր են հասել՝ ես չեմ կարող ասել»։

Բալայանի խոսքով, սակայն, օդանավակայանը տեխնիկապես ամբողջությամբ պատրաստ է, պատրաստ էր նաև պատերազմի ժամանակ. «Բավականին ժամանակակից սարքավորումներով կահավորված է, պետական բյուջեից մենք բավականին գումար ենք հատկացրել օդանավակայանի պահպանման համար։ Բայց թե այսօր ինչ իրավիճակ է՝ վստահ չեմ կարող ասել։ Խոսակցությունները շատ են, բոլորը խոսում են, որ շահագործվելու է, բայց չեմ ուզում մեկնաբանել խոսակցությունները»։

Նշենք, որ վերջերս ռուս քաղաքագետ Ստանիսլավ Տարասովը «Առաջին լրատվական»-ի հետ զրույցում ասել էր, որ Ստեփանակերտի օդանավակայանը պետք է գործարկվեր հունվարի 10-ին։ Տեխնիկական բոլոր աշխատանքներն ավարտվել են,  և արդեն հնարավոր էր թռիչքներ իրականացնել, սակայն առաջացել են պրոտոկոլային խնդիրներ, թե որ կողմերի միջև պետք է ստորագրվեր համաձայնությունը։ «Թռիչքները պետք է իրականացվեն Ադրբեջանի, Հայաստանի տարածքներով՝ դա ինչպես է համաձայնեցվելու, քանի որ Ադրբեջանը դրանք համարում է իր սեփական տարածքները։ Այստեղ հավելյալ քննարկումներ էին պետք, և Բաքուն հետաձգեց համաձայնությունը Մոսկվայում Փաշինյան-Պուտին-Ալիև քննարկման ֆորմատի համար։ Մի հանգամանք էլ կա՝ Բաքուն պնդում է, որ Հայաստանը պետք է օգտագործի այդ օդանավակայանը միայն ռուս խաղաղապահների կարիքների համար։ Բայց ռուսական կողմը պնդում է, որ այն ավելի լայն շրջանակ ընդգրկի, այդ թվում՝ Հայաստանի ու Ստեփանակերտի միջև բեռնափոխադրումներ, քանի որ Հայաստանն էլ օժանդակում է ռուս խաղաղապահների մարդասիրական գործունեությանը։ Այս քննարկումը շարունակվում է, բայց այն սկզբունքային բնույթ չունի՝ օդանավակայանը կգործարկվի»,- պնդել էր Ստանիսլավ Տարասովը։

Վահրամ Բալայանն ասաց, որ, այո, խոսակցություններ կան, որ ռուս խաղաղապահների կարիքների համար պետք է ծառայի օդակայանը, ոմանք էլ ասում են՝ բեռներ փոխադրելու համար, բայց կոնկրետ, թե որ ուղղությամբ են բանակցությունները գնում, տեղյակ չէ։ «Բայց մի բան հստակ է՝ ինչ էլ լինի, մեզ շատ պետք է օդանավակայանի շահագործումը։ Քարտեզը որ նայեք, կտեսնեք, որ մենք պարկի մեջ ենք, ու պարկից դուրս գալ է պետք։ Այդ դուրս գալու ճանապարհներից մեկն էլ կարող է լինել օդանավակայանի շահագործումը»,- եզրափակեց Բալայանը։

Հիշեցնենք, որ պատերազմից հետո Ստեփանակերտի օդակայանի շահագործման մասին առաջինը հայտարարել էր Արցախի ներկայիս ԱԳ նախարար Դավիթ Բաբայանը։ Նա ռուսական «ՌԻԱ Նովոստի» լրատվամիջոցի հետ զրույցում ասել էր, որ «շատ շուտով Ստեփանակերտի օդանավակայանը կշահագործվի։ Շատ մոտ ժամանակում»։

Ստեփանակերտում օդանավակայանը կառուցվել է 1974 թվականին։ Հիմնականում չվերթները եղել են դեպի Երևան և Բաքու։ Ղարաբաղյան հակամարտության տարիներին ու 90-ականների սկզբին օդանավակայանը ծառայել է ռազմական նպատակների համար։ Այնուհետև այն չի շահագործվել։ Վերակառուցումից հետո օդանավակայանը տեխնիկապես պատրաստ է եղել շահագործման համար դեռևս 2012 թվականին, սակայն Բաքուն նախազգուշացրել է, որ Ստեփանակերտ թռիչքները կդիտարկի որպես Ադրբեջանի օդային տարածքի խախտում, ու չի բացառել, որ օդանավերին կստիպի վայրէջք կատարել։  Դրանից հետո էլ ՀՀ նախկին նախագահ Սերժ Սարգսյանը հայտարարեց, որ ինքն է լինելու Ստեփանակերտի օդակայանից առաջին թռիչքի ուղևորը, բայց թռիչքներ այդպես էլ չեղան։

Բաժիններ
Ուղիղ
Լրահոս
Որոնում