Իսպանիայի իշխանությունները հունվարի 25-ից խստացնում են պարետային ժամը Մադրիդի ինքնավար հանրակցությունում: Այդ մասին հաղորդել է El Pais թերթը:
Պարետային ժամը հունվարի 25-ից կսկսվի մեկ ժամ ավելի շուտ՝ 22:00-ից, և կտևի մինչև 06:00-ն: Սրճարանները, ռեստորանները և խանութները պետք է փակվեն էլ ավելի շուտ՝ 21:00-ին:
Նման միջոցառումները կտևեն առնվազն երկու շաբաթ: Բացի այդ, իշխանություններն արգելում են մարդկանց հյուր հրավիրել: Բացառություն կարող են լինել միայն այցերը՝ մեկ այլ մարդու օգնելու նպատակով կամ ստուգել, թե ինչպես է նա:
Բացի ընտանիքի անդամներից, որևէ մեկի հետ հանդիպելը կարելի կլինի դրսում կամ հասարակական վայրում, հավաքվել կարելի է ոչ ավելի, քան չորս հոգով:
Համավարակի սկզբից ի վեր Իսպանիայում կորոնավիրուսով վարակվել է ավելի քան 2,6 մլն մարդ, 55,4 հազարից ավելին մահացել։