Այսօր՝ հունվարի 22-ին, ԱԺ-ում հրավիրվել է արտահերթ նիստ: Օրակարգում Բարձրագույն դատական խորհրդի անդամի թեկնածուներ Գագիկ Ջհանգիրյանի և Դավիթ Խաչատուրյանի ընտրության հարցն է:
«Նորմալ է, որ իշխանությունը որևէ ազդեցություն չունի դատական համակարգի վրա, բայց շատ ավելի լավ կլիներ, որ այդ դատական համակարգի վրա ազդեցություն չունենար որևէ այլ շրջանակ»,- հայտարարեց «Իմ քայլի» պատգամավոր Վաղարշակ Հակոբյանը:
Նա նշեց, որ բազմաթիվ մարդիկ անարդարության զոհ են դառնում. «Ես ձեր առաջադրումը նաև այս կոնտեքստում եմ դիտարկում»:
«Պարոն Ջհանգիրյան, ես ձեր մտքերից մեկի հետ համաձայն չեմ, երբ ասվեց, որ 2.5 տարում չի արվել այն, ինչ պետք է արվեր դատական համակարգի բարեփոխման համար: Ես ուզում եմ ձեզ վստահեցնել, որ բավական շատ աշխատանք է արվել: Ես հետևողականորեն հետևելու եմ Ձեր գործունեությանը և պատասխանատվությամբ եմ վերաբերվելու իմ կողմից ձեզ տրվելիք քվեին»,- հավելեց պատգամավորը:
Մանրամասն՝ տեսանյութում:
