Բրիտանական Սթաֆորդշիր քաղաքում ապրող Քերի Դովդսվելը շատ գեղեցիկ, բարետես և գեղեցիկ կազմվածքով երիտասարդ կին է: Սակայն իրավիճակն անմիջապես փոխվում է, երբ նա սնունդ է ընդունում: Դրանից հետո նա անմիջապես «հղիանում է», նրա որովայնը փքվում է այնպես, որ օտար մարդիկ կարող են կարծել, որ Քերին հղի է: Այս մասին գրում է The Daily Mail-ը: Մի քանի ժամ անց, սակայն, նրա վիճակը լավանում է, և նա վերադառնում է իր սովորական կազմվածքին:
Քերին շատ է նեղվում այս վիճակից, քանի որ հաց ուտելուց առաջ նա հագնում է հղիների համար նախատեսված շորեր: 10 տարի շարունակ բժիշկները փորձում էին պարզել, թե իրականում ինչ է տեղի ունենում Քերիի հետ: Որոշակի սննդի արգելումը կամ արյան անալիզները չբացահայտեցին հիվանդության պատճառը:
Բժիշկները թևաթափ հայտարարում են, որ Քերին ստիպված է լինելու այսպես ապրել: Աղջիկը ցավեր չի ունենում, սակայն նրան տհաճ է այդօրինակ տեսքը, որ նա ստանում է նույնիսկ թխվածքի մի փոքր կտոր ուտելիս:
