«Առաջին լրատվական»-ի հավաստի աղբյուրների համաձայն, շաբաթներ առաջ փորձ է արվել թունավորել Աշտարակի «Շոռշոռի ջուր» կոչվող աղբյուրները: Մեզ հաջողվեց պարզել, որ փորձ անողն Իրանի քաղաքացի է եղել, որին ժամանակին նկատել են հարակից գյուղերի բնակիչները: Իրանի քաղաքացին հրաժարվել է գյուղացիներին պարզաբանել, թե ինչու է գտնվում աղբյուրների մոտ:
Սկսված ծեծկռտուքի ժամանակ գյուղացիներն Իրանի քաղաքացու գոտկատեղի հատվածում հայտնաբերել են տարբեր գույների առանձին տոպրակների մեջ դասավորված փոշիներ:
Մեզ հաջողվեց պարզել, որ ՀՀ Ազգային անվտանգության աշխատակիցները բերման են ենթարկել Իրանի քաղաքացուն: Այժմ նա կալանավորված է և գտնվում է ԱԱԾ մեկուսարանում: