ԱՄՆ-ը Իրանի կողմից սպառնալիքներից հետո տարածաշրջանում թողել է «Նիմից» ավիակիրը, որը նախատեսվում էր այնտեղից դուրս բերել՝ ասել է Պաշտպանության նախարարի պաշտոնակատար Քրիս Միլլերը:
Միլլերի խոսքով՝ ինքը կարգադրել է դադարեցնել տարածաշրջանից ավիակիրի սովորական վերափոխումը՝ կապված ԱՄՆ նախագահ Դոնալդ Թրամփի և ԱՄՆ այլ պաշտոնյաների հասցեին Իրանի առաջնորդների վերջին սպառնալիքների հետ: Թե Իրանի ղեկավարության կոնկրետ որ սպառնալիքներն են բերել նման որոշման, նա չի հստակեցրել:
«Nimitz-ը կմնա ԱՄՆ Կենտրոնական հրամանատարության գործողությունների տարածքում: Ոչ ոք չպետք է կասկածի Ամերիկայի Միացյալ Նահանգների վճռականությանը», – ասել է Միլլերը:
Այս հայտարարությունն արվել է ԱՄՆ-ի և Իրանի միջև հերթական սրման, և մամուլում շրջանառվող այն լուրերի ֆոնին, թե Թրամփի հեռացող վարչակազմը կարող է հարված հասցնել Իրանին մինչ պաշտոնավարման ժամկետի ավարտը: