Այսօր՝ դեկտեմբերի 8-ին, ԱԺ հայտարարությունների ժամին «Իմ քայլը» խմբակցության պատգամավոր Անդրանիկ Քոչարյանը կարևորեց հետևյալը. «Ինչպես ուշքի գալ ու շարունակել ապրել: Ինչպես նվազագույնի հասցնել պատերազմի կործանարար հետևանքները, և ինչ գործոններով կառուցել մեր երկրի ապագան»:
Նրա խոսքով` արդեն հստակ նշմարվում են հետագա անելիքները. «Պետք է ընդունել, որ պարտվել ենք թե ռազմի դաշտում, թե բարոյապես և թե հոգեպես: Հասկանալի է, որ պարտված լինելու փաստը լրացուցիչ բարդույթներ է առաջացնելու, սակայն պետք է հնարավորինս արագ դուրս գալ բարոյալքված վիճակից»:
Քոչարյանը նկատեց, որ պետք է երկխոսություն սկսել հաղթող կողմի հետ, որքան էլ դա ծանր լինի. «Երկկողմ դիվանագիտական հարաբերությունների հաստատումը կարող է փոխել սպասվող հեռանկարները»:
Նա իր հայտարարությունն ավարտեց Հրանտ Մաթևոսյանի խոսքերով. «Այս խոսքերը ուղենիշ են մեր բոլորի համար»:
Մանրամասն՝ տեսանյութում:
