Միացյալ Նահանգների նորընտիր նախագահ Ջո Բայդենի Youtube- ալիքում հրապարակվել է ԱՄՆ ֆինանսների նախարարի պաշտոնի թեկնածուի վերաբերյալ նրա հայտարարությունը:
«Ես իսկապես ուրախ եմ, որ հնարավորություն ունեցա Ջանեթ Յելենին առաջադրել ֆինանսների նախարարի պաշտոնում», – ասել է քաղաքական գործիչը:
Բայդենը Յելենին անվանել է մեր ժամանակների տնտեսական ամենակարևոր մտածողներից մեկը և նշել է, որ ոչ ոք նրանից ավելի լավ պատրաստ չէ պայքարել ճգնաժամի դեմ:
Հիշեցնենք, որ Ջանեթ Յելենը 74 տարեկան է։ Նա 2014 թ.-ի փետրվարի 3-ից մինչև 2018 թվականի փետրվարի 3-ը զբաղեցնում էր ԱՄՆ-ի Դաշնային պահուստային համակարգի ղեկավարի պաշտոնը։ Բացի այդ, նա 2010-2014 թվականներին ԱՄՆ Դաշնային պահուստային համակարգի կառավարիչների խորհրդի նախագահի տեղակալն է եղել: Նա ԱՄՆ դեմոկրատական կուսակցության անդամ է, Բրիտանական ակադեմիայի պատվավոր անդամ:
