Վաղվանից՝ դեկտեմբերի 1-ից, զինծառայողները որոշակի հոսքով գալու են Հայաստան՝ արձակուրդ: Այս մասին լրագրողների հետ զրույցում նշեց զինծառայողի մայրը և հավելեց. «Ճիշտն ասած, դա էլի դժգոհության առիթ է տալիս, որովհետև հերթական արձակուրդները երեխաներին պետք է տրվեին 10 օրով, բայց 7 օրով են գալու: Թեև սա էլ ենք հասկանում»:
Նրա խոսքով՝ այս պահին իրենք վարչապետի հետ հանդիպելու անհրաժեշտություն չեն տեսնում, քանի որ իրենց պահանջը ինչ-որ արդյունք տվել է. «Ուղղակի մենք ամենօրյա ռեժիմով հավաքվում ենք ժամը 12-ին: Համարեք այսպես. քանի որ օֆիս չունենք, պետք է մի տեղ հավաքվենք զինծառայողների ծնողներով՝ մեր անելիքները կոորդինացնելու համար»:
Նա ընդգծեց՝ մեր տղաները ոչնչից չեն դժգոհում ու չեն բողոքում. «Բայց մեր մեջ շատ ծնողներ կան, որ գնացել և տեսել են այն պայմանները, որոնցում մեր տղաները շարունակում են ծառայությունը: Չկան զորամասերը, չկա քնելու տեղ, չկա տաք ջուր, այդ երեխաները 60 օր չեն լողացել. սառը ջրով գլուխ են լվանում, սառը ջրով իրենց հիգիենայի կարիքներն են հոգում»:
Մանրամասն՝ տեսանյութում:
