Հնդկական Պարգանաս թաղամասում մի մարդ տուն է վերադարձել, երբ ընտանիքը, իբր, դիակիզել է նրա մարմինը, հայտնում է NDTV- ն:
Հեռուստաալիքի տվյալներով՝ նոյեմբերի 11-ին 75-ամյա մի տղամարդ հոսպիտալացվել է՝ կորոնավիրուսի հայտնաբերման դրական թեստով: Երկու օր անց հիվանդի ընտանիքին հայտնեցին նրա մահվան լուրը, իսկ հետո հանձնեցին մարմինը:
COVID-19-ի անվտանգության միջոցառումների պատճառով մարմինը դրված է եղել պլաստիկ տոպրակի մեջ: Հետևաբար, ընտանիքը չի տեսել հանգուցյալին: Նոյեմբերի 13-ին մահացածը դիակիզվեց:
Մի քանի օր անց հիվանդանոցից կրկին զանգահարել են և խնդրել տանել առողջացած հարազատին:
«Մենք ցնցված և զարմացած ենք: Մենք մեր հայրիկին տուն բերեցինք, իսկ հիմա չգիտենք, թե ում ենք դիակիզել»,- ասաց հիվանդի որդին: