Ղրղզստանի սահմանադրական խորհրդակցության (վերջերս ստեղծված մարմին՝ սահմանադրական բարեփոխման նախագիծը լրամշակելու համար) անդամ Սադիրդին Տորալիևն առաջարկել է ռուսաց լեզուն զրկել պաշտոնական կարգավիճակից:
«Դա, կարող է, ծայրահեղ հնչել, բայց իմ առաջարկությունն է՝ պետական լեզուն թողնել միայն ղրղզերենը: Մյուս լեզուները մենք կզարգացնենք այլ օրենքներով: Ռուսերենը պաշտոնական կարգավիճակ ունի… Այդպիսի բան չպետք է լինի»,-Տորալիևի խոսքը խորհրդակցության լիագումար նիստից մեջբերում է 24.kg գործակալությունը: Նրա խոսքով՝ երիտասարդությունը դադարել է խոսել ղրղզերենով: Նա կարծում է, որ հարկավոր է պայմաններ ստեղծել ղրղզերենը զարգացնելու համար՝ ապագայում այն չկորցնելու նպատակով: Ռուսաց լեզվի պաշտոնական կարգավիճակն ամրագրված է Ղրղզստանի Սահմանադրության մեջ՝ ղրղզական լեզվի պետական կարգավիճակի հետ միասին: