Թայվանական Fosconn-ը, որը աշխարհում էլեկտրոնիկայի հավաքման խոշորագույն ընկերությունն է, մտադիր է ռոբոտներով փոխարինել իր աշխատակիցների մի մասին, ընդ որում՝ որոշ ժամանակ անց ընկերությունում մադկանց և մեքենաների թիվը, որոնք պատրաստում են սմարթֆոններ և նոութբուքեր, կհավասարվի:
Դա նախատեսվում է անել մինչև 2014 թ.: Ինչպես հայտնում է The Financial Times թերթը, մասնագետները կարծում են, որ այսպես Foxconn ընկերությունը, որը արտադրության մեջ հաճախ է բախվում «մարդկային գործոնի» հետ, հույս ունի օպտիմիզացնել իր բիզնեսը և հեշտացնել թոփ մենեջերների կյանքը, որոնք մշտապես իրենց ենթականերից բողոքներ են ստանում:
Foxconn-ի համար անցյալ տարին նշանավորվեց խոշոր սկանդալով: Ընկերության միանգամից 11 աշխատակից ինքնասպան են եղել՝ չդիմանալով աշխատանքի լարվածությանը: Բացի այդ, այս տարվա փետրվարին չինական գործարանի աշխատակիցները, որոնք touchscreen-ներ են արտադրում Apple ընկերության համար, ընկերության ղեկավար Սթիվ Ջոբսին բողոք-նամակ են ուղարկել, որտեղ նշել են, որ այդ սարքավորումների արտադրությունը մեծ վնաս է հասցնում աշխատողներին:
Foxconn ընկերությունն ամերիկյան ընկերության գլխավոր գործընկերն է, որը զբաղվում է iPad-ի և iPhone-ի արտադրությամբ:
Բացի այդ, ընկերության ֆաբրիկաներից մեկում մայիսին պայթյուն է տեղի ունեցել, որի հետևանքով զոհվել է 3 մարդ, 15-ը ստացել են ծանր վնասվածքներ: Քննությունն ապացուցել էր, որ պայթյունը տեղի է ունեցել օդափոխման համակարգում առկա այրվող փոշու բռնկման հետևանքով:
Վերջին տվյալներով՝ Foxconn ընկերությունում աշխատում է 1 մլն մարդ և 10 հազար ոոբոտ: Տնօրենների խորհրդի նիստի ժամանակ Foxconn ընկերության ղեկավար Թերրի Գոուն հայտարարել է, որ արդեն մյուս տարի գործարաններում կլինի 300 հազար ռոբոտ, իսկ մինչև 2013 թ. վերջը դրանց թիվը կհասնի մեկ միլիոնի:
