Սերժ Սարգսյանն հուլիսի 30-ին մեկնել է հանգստի, որի մի մասը անցկացնելու է Կիպրոսի Լիմասոլ քաղաքում։ Օգոստոսի 11-ին Լիմասոլում Սերժ Սարգսյանը կմասնակցի «Արմենիա» առագաստանավի շուրջերկրյա նավարկության ավարտի հանդիսությանը։ Այս մասին հայտնում է Սերժ Սարգսյանի մամլո ծառայությունը: «Առաջին լրատվականը» փորձեց ճշտել՝ արդյո՞ք Սերժ Սարգսյանը կանգ է առել Լիմասոլի լավագույն Fourseasons հյուրանոցում, սակայն մեզ պատասխանեցին, որ պետական անվտանգության նկատառումներով նման ինֆորմացիա հյուրանոցը չի տրամադրում։ Տեղեկության կարգով նշենք, որ Կիպրոսի լավագույն հյուրանոցի լավագույն թագավորական համարում մի գիշերը մեկ անձի համար արժե 2800 եվրո։ Թագավորական հյուրանոցային համարը ապահովված է ննջարանով, բացօթյա հյուրասենյակով, 8 հոգու համար նախատեսված ճաշասենյակով, գրադարանով, աշխատասենյակով, ջակուզիով, լողավազանով և այլ հարմարություններով։
