Վերջին շաբաթվա ընթացքում աշխարհում կորոնավիրուսով վարակվածների թիվն աճել է գրեթե 4 միլիոնով, ինչը համավարակի սկզբից ի վեր ամենաբարձր ցուցանիշն է: Առողջապահության համաշխարհային կազմակերպության (ԱՀԿ) տվյալներով՝ մահացությունների թիվն աճել է ավելի քան 59 հազարով:
ԱՀԿ-ի տվյալներով՝ նոյեմբերի 8-ից 15-ը ընկած ժամանակահատվածում աշխարհում հայտնաբերվել է վարակի 3.977.223 նոր դեպք և մահացել է 59.699 մարդ: Երկու ցուցանիշներն էլ զգալիորեն բարձր են նախորդ յոթ օրվա համեմատ, երբ գրանցվել էր 3,695,495 նոր դեպք, և մահացել էր 54,835 մարդ:
