«Հայտարարությունը ստացել է իր բնութագրումը՝ իբրև կապիտուլյացիոն փաստաթուղթ: Այս բնութագրման մեջ մեծ ճշմարտություն կա. հայկական կողմը հայտարարությանը տվել է իր ստորագրությունը՝ անելանելի վիճակից ելնելով՝ էլ ավելի չվատթարացնելով ռազաճակատում առկա իրողությունները: Այս մասին «Առաջին լրատվական»-ի հետ զրույցում ասաց կառվարման փորձագետ Սերոբ Անտինյանը՝ հավելելով, որ Արցախի հարցով ստորագրված որոշման փաստաթուղթը համաձայնություն անվանել չի կարելի, քանի որ ոչ թե համաձայնեցված է, այլ պարտադրված՝ մեզ պարտադրվել են զիջումներ:
«Մեր շահը դեռևս ճշգրտված չէ: Հայտարարության տեքստն ավելի շատ հացեր է առաջացնում, քան տալիս է պատասխաններ: Այդ հարցերը դեռ բավականին երկար ճշգրտման ընթացք են ունենալու: Պատերազմը դեռ չի ավարտվել: Հայտարարության կենսագործման ընթացքում էլ Հայաստանը պետք է հանդես գա, որպես պետություն, իր շահերի պաշտպանության տեսանկյունից»:
«Ներքաղաքական գործընթացները շատ վտանգավոր են, որոնք հղի են բախումներով,- ընդգծեց կառավարման փորձագետը,- «Իմ քայլը» ժամ առաջ պետք է վերադառնա խորհրդարան: Պետք է սկսվի քաղաքական գործընթաց»:
Վերլուծաբան Արեգ Քոչինյանի դիտարկմամբ՝ տարածքները հանձնելու մասին հայտարարությունը այլ բան է, մեկ այլ բան է, երբ որ տարածքներն արդեն տրվում են: Քարվաճառի հանձնման դեպքում անխուսափելիորեն էմոցիաներ կդրսևորվեն: Մյուս կողմից՝ իշխանությունը գործուն քայլեր չի անում գործընթացը քաղաքական դաշտ բերելու ուղղությամբ:
Հանցավոր խմբերը՝ 17 կուսակցությունները փորձում են հեծնել այն հասարակական ալիքը, որը կուտակվել է: Եվ հարց է, թե նրանք մինչև այսօր ինչու են ազատության մեջ, դա այս վարչակարգի թերություններից է: Իշխանության կողմից չենք տեսնում լարվածության և բախման սպառնալիքի թուլացմանն ուղղված քայլեր, այլ հակառակը: Դա բացատրվում է իրավիճակի սրությամբ, անկարողունակությամբ, էմոցիոնալ անկայուն իրավիճակով:
Մանրամասն՝ տեսանյութում: