«Ստեղծված իրավիճակը 1998 թվականից սկսված ստատուս քվոյի պահպանման քաղաքականության անհեռանկար ողբերգական ավարտն է: Ստատուս քվոյի պահպանումը կարող էր լինել հակամարտության մուծման տարբերակ եթե որդեգրվեր իսրայելական մոդելը, որը նշանակում է, որ պետք է ստատուս քվոն սնես ներքին քաղաքական, տնտեսական դիմադրունակության մեծացմամբ և պատրաստ լինես վճռական ճակատամարտ տալու ինչ-որ իքս պահի: Բայց եթե ստատուս քվոյի պահպանումը վերածվում է ինքնանպատակ գործունեության և որոշ մարդկանց նյութական բարեկեցության և իշխանության պահպանման գործիքի, ապա վերջնարդյունքում այսպիսի իրավիճակ է ստեղծվում»,- այս մասին «Առաջին լրատվական»-ի հետ զրույցում ասաց «Հանուն հանրապետության» ԺՊԴԿ անդամ, սահմանադրական իրավունքի մասնագետ Արտաշես Խալաթյանը:
«Սա սնանկ արտաքին քաղաքականության, սնանկ տնտեսական քաղաքականության արդյունք է: Եվ մենք հնձում ենք այն, ինչ ցանել ենք շուրջ 20 տարի շարունակ:
«Ոչ մի թիզ հող թշնամուն» լոզունգներով 1998թ. իշխանության եկած անձինք Հայաստանը հանգեցրին այս իրավիճակին: Իսկ թավշյա հեղափոխությունից հետո երկու տարվա ընթացքում օբյեկտիվորեն հնարավոր չէր սրբագրել նախորդ 20 տարվա թերությունները, անփութությունները, անառողջ տնտեսական համակարգը»,-նշեց Խալաթյանը:
Մանրամասն՝ տեսանյութում: