Լուրեր
Ահաբեկչական հրոսակախմբերը Ադրբեջանի ԶՈՒ-ի կողմից օգտագործվում են որպես թնդանոթի միս

Այսօր գերեվարվել էր ահաբեկիչ, որը խոստովանեց, թե ովքեր են պատրաստում ու տեղ հասցնում իրենց։ Այս մասին լրագրողների հետ ճեպազրույցում ասաց ՊՆ ներկայացուցիչ Արծրուն Հովհաննիսյանը։ Արցախի հյուսիսային ուղղությամբ հետևակային ուժերով փորձել են գրոհել մեր դիրքերի ուղղությամբ։

«Եվ մեր ունեցած հավաստի տվյալների համաձայն՝ այս ահաբեկչական հրոսակախմբերը Ադրբեջանի զինված ուժերի կողմից օգտագործվում են որպես բառիս բուն իմաստով թնդանոթի միս, որպես ականադաշտերը հաղթահարելու կենդանի, որպես առաջին շարքի մեր բնագծերը, կրակային պատնեշները հաղթահարելու միջոց։ Եվ ամեն անգամ նշել ենք, որ այսպիսին է լինելու նրանց ճակատագիրը, կուզենք, որ աշխարհը սա տեսներ»,-նշեց ՊՆ ներկայացուցիչը:

Մարտական գործողությունները, Արծրուն Հովհաննիսյանի խոսքով, այս պահին էլ շարունակվում են։ «Պատերազմն, իհարկե, կորցրել է իր սաստկությունը, բայց եթե առանձին տեղերում բախումները լինում են, դրանք լինում են նույն հրետանու, օդուժի և այլ միջոցների կիրառմամբ։ Հիմնականում քիչ է կիրառվում զրահատեխնիկա, որովհետև մեր հրետանին ու հակատանկային միջոցները շարժվող ամեն մի խոշոր թիրախ անմիջապես ոչնչացնում են»,- ասաց Հովհաննիսյանը։

  • Դիտումներ՝ *