Նորվեգացի ահաբեկիչ Անդերս Բրեյվիկը, որի գործողությունների հետևանքով զոհվել է ավելի քան 80 մարդ, պլաստիկ վիրահատություններ է կատարել, որպեսզի նմանվի արիացու: Այս մասին հաղորդում է The Telegraph-ը՝ հղում անելով նրա բարեկամներին:
Նրա նախկին համադասարանցին և ընկերն ասել է, որ Բրեյվիկը դեռ 10 տարի առաջ էր ցանկանում իր վրա ուշադրություն հրավիրել։ «Հիշում եմ՝ մենք մի խնջույքի էինք ներկա, և նա ինձ ասաց, որ Ամերիկայում պլաստիկ վիրաբույժը վիրահատել է իր քիթն ու ծնոտը»,- ասել է նա:
Հիշեցնենք, որ Բրեյվիկը հուլիսի 22-ին պայթեցրել էր իր մեքենան Նորվեգիայի կառավարության շենքի հարևանությամբ, իսկ Ուտեյա կղզում հրազենով սպանել էր երիտասարդական ճամբարի ավելի քան 70 մասնակիցների: