Արցախի մայրաքաղաք Ստեփանակերտի մի գողտրիկ անկյունում պատերազմական այս օրերին իր գործունեությունը չի դադարեցրել «Սամրա» սրճարանը կամ արագ սննդի կետը։ «Սամրա»-ի հիմնադիրները սիրիահայեր են, որոնք իրենց գործունեությունն այս օրերին ոչ միայն չեն դադարեցրել, այլև սնունդը չեն վաճառել։
Ձեզ ինչպե՞ս հաջողվեց պատերազմական այս օրերին չփակել սրճարանը․ «Առաջին լրատվական»-ի հարցին սրճարանի սեփականատեր Հովիկը պատասխանեց․ «Առաջին օրը, երբ պատերազմը սկսվեց, մենք էլ բոլորի նման փակեցինք սրճարանը։ Գիշերը երբ դուրս եկանք ու խոսում էինք հարևանների հետ՝ ինչ է պատահել ու ինչ պետք է լինի, մի խումբ հայ լրագրողներ եկան ու հարցրին, թե այստեղ ռեստորան կա՞։ Մենք ասացինք, որ կա, բայց փակ է, ու շատ ամոթ է։ Նրանք ասացին, որ առավոտվանից հաց չեն կերել ու խնդրեցին, որ գոնե հաց տանք։ Մենք նրանց հրավիրեցինք ներս, հաց սարքեցինք, կերան։ Հետո տիկնոջս՝ Իզաբելի հետ խոսեցի ու որոշեցինք, որ մարդկանց համար պետք է հաց պատրաստենք։ Այդ օրվանից մենք բաց ենք եղել»։
Երբ սկսվեց պատերազմը, ի՞նչ էիք անում․ «Առաջին լրատվական»-ի հարցին սրճարանի սեփականատերը պատասխանեց․ «Վաղ առավոտյան ամեն ինչ սկսվեց։ Մենք դեռ պառկած էինք անկողնում։ Առաջին երկու զարկի ժամանակ դեռ վստահ չէինք, բայց երբ շարունակվեց, արդեն իմացանք, որ պատերազմ է։ Առաջին հերթին երեխաներին ավելի ապահով տեղ տեղափոխեցինք, հետո սկսեցինք հրապարակ գնալ-գալ հարևանների հետ, բայց ավելի շատ հեռուստացույցի առաջ նստեցինք, որպեսզի լուրերը ստույգ իմանանք»։
Մանրամասները՝ տեսանյութում։
