Իրավունքները, բոլոր հնարավոր իրավական հետևանքներն ու փաստարկները, որոնք կարող են հնարավորություն տալ՝ հասնելու առավելագույն արդյունքների՝ կլինի դա դիվանագիտական մակարդակում, Արցախի անկախության ճանաչման հարցում, թե այլ մակարդակում, ուղղակիորեն կախված են ռազմական դաշտում խնդիրների լուծման մեր պոտենցիալից և կարողությունից: Ցավոք, հայտնվել ենք այնպիսի իրավիճակում, որ իրավունքի կերտման խնդրի առաջ ենք և այն միայն ուժեղի դիրքերից կարող է իրագործվել: Այս մասին «Առաջին լրատվական»-ի հետ զրույցում ասաց փաստաբան Տիգրան Եգորյանը:
Նրա խոսքով՝ բանակցություններ վարելու իրավունքի նվաճումը և անգամ բանակցությունների արդյունքները կանխորոշվում են ռազմի դաշտում, կամ գոնե մեկնարկային դիրքերը, ելակետերը վճռվելու են այնտեղ:
Այս ամբողջ գործընթացը վերաբերում է մեր ինքնիշխանությանը: Այսօր շատ ավելի տարբեր վիճակում չենք գտնվում, քան այն պետությունները, որոնք գտնվել են ժողովրդի իշխանության բեկումնային կետերում»,- նշեց Եգորյանը:
«Իրավունքի նվաճման խնդիր ունենք, որը ևս պետք է լուծվի ռազմի դաշտում: Սուբյեկտայնության, ինքնիշխանության, աշխարհի մեծերի սեղանին հավասար կամ շահավետ մեկնարկային դիրքերով նստելու խնդիր ունենք, որը այժմ ռազմաճակատում է իրագործվում: Թեև պատերազմը ոչ միայն ռազմաճակատում է ընթանում, այլ նաև թե՛ արտաքին, թե՛ ներքին ճակատներում, ինչպես նաև տեղեկատվական դաշտում»,- նշեց փաստաբանը:
Մանրամասն՝ տեսանյութում: