Նոր տիպի կորոնավիրուսային վարակն ԱՄՆ-ում հանգեցրել է գրեթե 300 հազար (299 հազար) դեպքերով մահացության մեծացման «ինչպես սովորական տարում սպասվելիք ցուցանիշի» համեմատությամբ: Հոկտեմբերի 21-ին այդ մասին հայտնել է The Washington Post (WP) թերթը՝ վկայակոչելով Հիվանդությունների հսկողության և կանխարգելման դաշնային կենտրոնի տվյալները:
Այդ «չկանխատեսված» մահերի երկու երրորդի պատճառը եղել է կորոնավիրուսի հարուցած հիվանդությունը: Ըստ որում, հրատարակության տվյալներով՝ մահացու վախճանների Էական մասը, որոնք առաջացել են այլ պատճառներով, կապված է այն բանի հետ, որ խրոնիկական հիվանդություններ ունեցողները, այդ թվում շաքարախտավորները, սրտի անբավարարությամբ տառապողները, ժամանակին օգնություն չեն ստացել, քանի որ վախեցել են բժշկի դիմել համավարակի պայմաններում:
Կետրոնում նշել են, որ վարակի հարուցած բարդությունների հետեւանքով մահացու վախճանների ցուցանիշն «անհամամասնորեն բարձր է» աֆրոամերիկացների և Լատինական Ամերիկայի երկրներից սերածների շրջանում, ինչը նշվել է նաև ավելի վաղ: Անսպասելի է դարձել նախկին տարիների համեմատությամբ «մահերի աճը» 25-ից մինչև 44 տարեկան տարիքային խմբի ներկայացուցիչների շրջանում՝ 26,6 տոկոսով:
Դա ամենազգալի փոփոխությունն է մյուս բոլոր տարիքային խմբերի թվում: Փորձագետներն առայժմ չեն կարող բացատրություն տալ դրան:
«Համավարակի հետեւանքով մահացող մարդկանց թիվը գերազանցում է մեր սպասելիքները,- թերթին հայտարերել է Վիրջինիայի նահանգի Համագործակցության համալսարանին կից Հասարակության և առողջության կենտրոնի նախկին տնօրեն Սթիվեն Վուլֆը, որն անձամբ է վերլուծել «լրացուցիչ մահերի» ցուցանիշը:- Ստացված տվյալները, ինչպես նաև մյուսները, դա հաստատում են»:
Յոթերորդ օրն անընդմեջ, The Washington Post-ի տվյալներով՝ ԱՄՆ-ում կորոնավիրուսով վարակվածների թիվն օրական ավելանում է գրեթե 60 հազարով, երկրի առնվազն 220 հազար բնակիչ է մահացել COVID-19-ից: Վուլֆը ենթադրում է, որ մինչև տարեվերջ, եթե կորոնավիրուսի հետ կապված ներկայիս իրավիճակն արմատապես չբարելավվի, երկրում «լրացուցիչ մահերի» թիվը կհասնի 400 հազարի:
