«Թուրքը հրադադարը հասկացություն չգիտի։ Թուրքը հրադադարը օգտագործում է որպես վերադասավորումներ անելու հնարավորություն, որից հետո շարունակի կռիվը։ Նա պահն օգտագործում է իր խնդիրը լուծելու համար։
Զարմանալու բան չկա»,-«Առաջին լրատվական»-ի հետ զրույցում ասաց քաղաքագետ Լևոն Շիրինյանը՝ հավելելով, որ հայկական կողմը ևս պետք է տուրք չտա ինչ-որ պայմանավորվածությունների և շարունակի կռիվ. «Հայկական կողմը, բանակն այս պահին չպետք է խոսի խաղաղության մասին։ Մենք չպետք է կուտն ուտենք ու հանգստանանք։ Չի լինելու խաղաղություն։ Խաղաղություն մի որոնեք։ Թող դիվանագետները խոսեն, բանակցեն, իսկ բանակն իր գործը պետք է անի պետք է Ադրբեջանում ռազմավարական օբյեկտներ խոցել։ Ընդ որում խոսքը ոչ միայն բարձունքների մասին է, այլև ստրատեգիական նշանակության շինությունների։ Ճշգրտությունն ու ժամանակի արագությունը արմատապես պետք է փոխվի։ Մինչև դանակը չդնենք թուրքի կոկորդին, նա շարունակելու է անել այն, ինչ անում է։ Մինչ այդ պետք չէ հանգստանալ, խաղաղություն որոնել։ 1918 թվականի փետրվարից մինչև 1918 թվականի սեպտեմբեր դինամիկան նայեք, ապա կտեսնեք, որ որտեղ հրադադար է եղել, կանգնել ենք, մեզ նորից խփել են ու հետո գոռացել են, թե մենք պայման չենք կատարել։ Թուրքը պայման չկատարող ժողովուրդ է, եթե դանակ չես դնում կոկորդին։ Կրկնում եմ՝ պայման չկատարելը թուրքի համար տակտիկական հարց է»,-ասաց Շիրինյանը։
Մեր հարցին՝ Ռուսաստանի ջանքերով, Ռուսաստանի միջնորդությամբ ձեռք բերված պայմանավորվածությունը Ադրբեջանի կողմից չկատարելը ի՞նչ հետևանքներ կարող է ունենալ Ադրբեջանի համար, քաղաքագետը նկատեց.« Նախ պետք է հասկանալ՝ ռուսական կողմն ուզո՞ւմ է ստատուս քվոն խախտել։ Չի ուզում։ Իսկ եթե չեն ուզում, ապա ռուսների համար ձեռնտու է Ադրբեջանի կողմից ձեռք բերված պայմանավորվածության չկատարումը։Մնացածը խաղ է։ Քաղաքականությունը թատրոն է և ամեն մեկն իր դերն է խաղում։ Ռուսները եթե ուզեն ստատուս քվոն խախտվեր, մի քիչ ժամանակ կձգեին, կսպասեին, որ մենք մի քիչ առաջ գնայինք, բայց ռուսները ստատուս քվոն չեն խախտում։
Դրա համար էլ ձևացնում են, թե իբրև թե խաղաղություն են ուզում, բայց իրականում չեն ուզում։ Հետրաբար բանակը ոչ մի բան չպետք է լսի։ Նիկոլ Փաշինյանը Զոհրապ Մնացականյանին պետք է հանձնարարի գիշեր-ցերեկ խոսել, բանակցել, իսկ բանակին պետք է հանձնանարի ոչ մեկին չլսել ու գիշեր-ցերեկ իրենց գործն անել։ Բանակը բանակցությունների հետ գործ չպետք է ունենա։ Մեկ է մենք հաղթելու ենք։ Նրանք գետնատարած պարկելու են, իսկ ռուսները կուլ են տալու այդ վիճակը։ իսկ առայժմ Ադրբեջանին կենդանի են պահում, որ հրադադարը դառնա զինադադար, հետո հարաբերական խաղաղութուն հաստատվի, որ իրենք սկսեն նորից 5 միլիարդ դոլարի զենք վաճառել Ադրբեջանին, որ դրանք էլ նորից այդ զենքով գան մեզ վրա։ Հետևաբար մենք չպետք է մեր զգոնությունը կորցնենք,. Հայկական զինուժը պետք է շարունակի խոցել ու շարքից դուրս բերել Ադրբեջանի ռազմական պոտենցիալը՝ գրավելով ստրատեգիական նշանակության օբյեկտներ»,-ընդգծեց Շիրինյանը։