«Մեր ժողովուրդը այս տարածքում բազմաթիվ ասպատակիչների է հանդիպել և բոլորին դիմագրավել ենք ու գոյաբանական վտանգ չենք ունեցել: Թուրք ցեղը դեռևս ազգ չի դարձել և պղծեց այն կրոնը, որն ինքն ընդունեց: Նրանց բացի նյութական, տարածքային հավակնություններից այլ հավակնություն չունի և իր ճանապարհին ամեն ինչ փշրում է»,- «Առաջին լրատվական»-ի հետ զրույցում ասաց բանաստեղծ, թարգմանիչ Հակոբ Մովսեսը` հավելելով, որ աշխարհը մեզ պարտական պետք է լինի այդ չարիքին դիմագրավելու համար:
Նրա խոսքով` աշխարհը մտածում է իր սեղանից խորտիկ չպակասելու մասին. «Թուրքը դեռևս չի թակում Եվրոպայի գիտակցության դուռը: Չզարմանաք, որ թուրքերը մի օր գրավեն նաև Եվրոպան: Եվրոպացին դեռ չի տարբերել թշնամուն և չարին. մենք համաշխարհային չարի՝ նեռի դեմ ենք պայքարում. եվրոպացին պետք է գիտակցի: Ընդ որում, խոսքը կրոնի մասին չէ»:
Հակոբ Մովսեսի կարծիքով՝ չի կարող գոյություն ունենալ ներքին թշնամի. «Բայց մեր սրտի մեջի մեջ մի անբասիր, նվիրական բան կա. մեր նվիրական հատկություններն անսպառ են: Ես այդ դավաճանությունից չեմ վախենում: Մենք այս պատերազմում առաջին անգամ հաղթեցինք որպես պետություն: Այս պատերազմը մեզ պատմության մեջ հարյուր տարի առաջ գցեց, մենք պետք է հասկանանք, որ ֆանտաստիկ ժողովուրդ ենք ու պետք է թուրքական կլկլոցները հանենք մեր կենցաղից: Մենք մեր մեղեդին ներքուստ գիտենք, մենք պետք է մեր մեջ մեզ արթնացնենք: Մենք աներևակայելի դիմադրողականություն ունենք»: