Բեյրութում պայթյունի վայրում գտնվող տան փլատակների տակից փրկարարները դուրս են բերել մեկ տարեկան երեխայի: Աղջիկը ողջ է:
Լիբանանի մայրաքաղաքում նոր արտակարգ դեպքի զոհերի թիվը, հասել է 4-ի: 50 մարդ վիրավորվել է:
Տեղի բնակիչներն ասում են, որ պայթյունն ու հրդեհը տեղի են ունեցել բնակելի շենքի նկուղում: Ենթադրաբար, այնտեղ էլեկտրագեներատորի համար դիզելային վառելիք է պահվել: Հնարավոր է, որ այնտեղ նաև բենզինով տարաներ են եղել: Տեղի բնակիչները վառելիք են գնում՝ մտավախություն ունենալով, որ գները կարող են կտրուկ բարձրանալ։
