Հայ ժողովուրդը հարյուր տարուց ավելի է անընդհատ ստիպված է մտածել իր գոյության խնդիրը լուծելու մասին: Այս փաստը կապված է այն հանգամանքի հետ, որ շրջապատված ենք թուրքական ցեղերով, որոնք ունեն իրենցից տարբերվողներին և իրենց ճանապարհին կանգնածներին ցեղասպանելու առանձնահատկություն : Այս մասին «Առաջին լրատվական»-ի հետ զրույցում ասաց մշակութային մարդաբան Աղասի Թադևոսյանը:
Մշակութային մարդաբանի դիտարկմամբ՝ թուրքական նացիոնալիզմը՝ նացիզմի և ֆաշիզմի մակարդակի բարձացող նացիոնալիզմ է, որովհետև նրանք սարսափելի այլատյացներ են, և դա շատ ավելի բացեիբաց դրսևորվեց Էրդողանի կառավարման տարիներին:
Աղասի Թադևոսյանի խոսքով՝ ադրբեջանցիների ատելությունը եղել է մեր նկատմամբ և դեռ շարունակվելու է երկար, քանի որ նրանք սերունդներին դաստիարակում են հայատյաց, հային վերացնելու հոգեբանությամբ:
Իսկ թե ինչ փոփոխությունների է ենթարկվել հայ հասարակությունը, մշակութային մարդաբանի կարծիքով՝ գնալով ավելի ու ավելի հանդուրժողական է դարձել: «Մեր մշակույթը շատ ավելի բաց է, քան իսլամական աշխարհինը, նրանք ձուլելու նպատակներ ունեն: Հայ հասարակությունը բազմազան է դառնում, բայց խորքային առումով պահպանվում է էթնիկական իքնությունը, ինչը դրական է… Մենք Էթնիկական հայրենասիրությունից պետական հայրենասիրության անցումային գործընթացի մեջ ենք»,- նշեց Թադևոսյանը:
Մանրամասն՝ տեսանյութում: