Գիտնականները պարզել են, որ չորս տարեկանների համար նախատեսված խաղերում արդեն գիտական մոտեցման սաղմերն են դրվում: Այսպիսի եզրակացության են հանգել ամերիկյան գիտնականները՝ իրենց ուսումնասիրությունները ներկայացնելով Cognito ամսագրում հրապարակված հոդվածում:
Գիտնականները 60 աշակերտի առաջարկել են հատուկ խաղալիք, որը սկսել է լուսավորվել, երբ նրա վրա որոշակի հուլունքներ են դրել: Երեխաների կեսին բացատրել են, որ խաղալիքը լուսավորվում է, երբ նրա վրա դրվում է ցանկացած հուլունք, իսկ մյուս կեսին՝ որ խաղալիքը կլուսավորվի միայն որոշակի հուլունքներ ընտրելու դեպքում:
Երեխաները երկրորդ դեպում օգտագործել են այն մեթոդները, որոնք օգտագործում են գիտնականները՝ ուսումնասիրություններ կատարելիս. նրանք հերթով փորձել են բոլոր հուլունքները՝ տեսնելու, թե որի դեպքում է դա աշխատում, որի դեպքում՝ ոչ: Ինչպես նշում են մասնագետները, ստացված արդյունքները թույլ չեն տալիս միանշանակ եզրահանգման գալ, թե արդյոք երեխաները կարևորությունից ելնելո՞վ են փորձել ամեն հուլունքը, թե՞ այդ մոտեցումը հուլունքներով փորձ կատարելու արդյունքում է առաջացել: Այդուհանդերձ, գիտնականներն ասում են, որ այս հետազոտությունները թույլ են տալիս ավելի լավ հասկանալ գիտական մտածողության էությունը:
