Լուրեր
Մենք վարձկաններ չենք փնտրում այլ երկրներում․ Արայիկ Հարությունյան

Արցախի տեղեկատվական շտաբի կազմակերպած ասուլիսի ժամանակ, որին ներկա են նաև օտարազգի լրագրողներ, Արցախի Հանրապետության նախագահ Արայիկ Հարությունյանը թվարկեց մի շարք պատճառներ, թե ինչու չի հաջողելու հակառակորդը:

«Որովհետև ունենք հերոսական ժողովուրդ, հերոսական երիտասարդություն, որոնք պատրաստ են կյանքի գնով պաշտպանելու հող հայրենին, որովհետև ունենք 18 տարեկան երիտասարդ, որն արդեն հասցրել է խոցել հակառակորդի արդեն ինն զրահատեխնիկա և այսօր շարունակում է  իր ծառայությունը մեր հայրենիքին, որովհետև ունենք արցախյան առաջին գոյամարտի մասնակից, ապրիլյան պատերազմի մասնակից, մարտական ընկերներ, որոնք երկու օրվա մեջ կարողացել են հակառակորդի երեք հատ տեխնիկա առգրավել և այսօր օգտագործել հակառակորդի դեմ, որովհետև ունենք հայրենակից, որը վերցնելով նռնակները նետվել է թշնամու խրամատը, օգտագործել իր ամբողջ հնարավորությունները, վնաս հասցրել մեր կենդանի հակառակորդին և վերջում պայթեցրել իրեն՝ թշնամիների հետ միասին…. Որովհետև մենք վարձկաններ չենք փնտրում այլ երկրներում,- նշեց ԱՀ նախագահը: Արայիկ Հարությունյանը վերջում ընդգծեց. «Արցախն իր պատմության մեջ երբևէ չի գրավվել ու չի գրավվելու:

  • Դիտումներ՝ *