Թուրքիան որևէ կերպ չի թաքցնում պատերազմին իր մասնակցությունը: Թուրքիան հասկացավ, որ Ալիևը ունակ չէ ինքնուրույն խնդիրները լուծել և հիմա նրան օգտագործում է: Այս մասին «Առաջին լրատվական»-ի հետ զրույցում ասաց քաղաքագետ Ալեն Ղևոնդյանը:
Նրա դիտարկմամբ՝ տարածաշրջանային կայունության տեսանկյունից Թուրքիայի ոչ կառուցողական դերը նորություն չէ: «Տարածաշրջանային և ոչ տարածաշրջանային երկրները հասկանում են, որ Էրդողանը Օսմանյան կայսրության վերակենդանացման երազանք ունի և իրեն դիատրկում է որպես այդ ամենի գագաթին կանգնած ղեկավար՝ պատմական առաքելությամբ: Ադրբեջանը թուրքական քաղաքականության տարրերից մեկն է:
2016թ. ապրիլյան դեպքերից հետո Ալիևի գերավտորիտար ռեժիմի հեղինակությունը նվազեց, և վերականգնելու փորձեր են արվում: Ընդհանրապես ավտորիտար ռեժիմների կայունության համար անհրաժեշտ է հակառակորդի կերպարի ձևավորում, ատելության մթնոլորտ, որպեսզի հասարակությունը տարբեր սոցիալ-տնտեսական խնդիրներից ուշադրությունը շեղի դեպի հակառակորդը: Այս պարագայում հակառակորդն Արցախն է և Հայաստանը:
Ադրբեջանում կան ընդդիմադիր էլեմենտներ, որոնք թեև ճնշման տակ են, բայց հնարավոր էր Ալիևի կառավարման բուրգում հեղաշրջում իրականացնել, հետևաբար Թուրքիան սկսեց ավելի շոշափելի աջակցություն ցուցաբերել, քանի որ Ալիևն ունակ չէր ինքնուրույն խնդիրները լուծել»,- նշեց Ալեն Ղևոնդյանը:
Քաղաքագետի դիտարկմամբ՝ Թուրքիայի մասնակցությամբ էսկալացիան կոնֆլիկտը կտանի այլ մակարդակ:
Մանրամասն՝ տեսանյութում:
