Monday, 19 04 2021
Բոլոր հիվանդանոցներում մահճակալային ֆոնդը սպառված է․ Ռոմելլա Աբովյան
Թուրքիայում ցեղասպանությունը ժխտող միջազգային գիտաժողով կանցկացվի
Ապրիլի 24-ի միջոցառումների համար շուրջ 70 միլիոն դրամ է հատկացվել․ Արայիկ Հարությունյան
Թուրքական լրատվամիջոցները հեռացրել են Թուրքիայում «Սպուտնիկ V»-ի արտադրությունը հաստատելու մասին հոդվածը
Արմեն Սարգսյանի արածը նման է քաղաքական դեմարշի
13:33
Մակրոնը հայտարարել է, որ «Սպուտնիկ V»-ի կիրառումը չի լուծի պատվաստման արագացման հարցը Եվրամիությունում
Տոկիո-2020. Քանի մարզիկ կներկայացնի Հայաստանը. ակնկալվող մեդալների քանակը
13:28
Աշխարհում կորոնավիրուսի դեպքերի թիվը գերազանցել է 140 միլիոնը. ԱՀԿ
Ի՞նչ միջոցառումներ են նախատեսված Երևանում ապրիլի 24-ին
13:21
Բայդենն ամերիկացիներին հորդորել է չհապաղել կորոնավիրուսի դեմ պատվաստման հարցում
Ուղիղ. Արցախում ծառայող զինվորների հարազատներին վարչապետը հրավիրել է հանդիպման
Դեսպան Մինասյանն ու Ռումինիայի հայ կաթոլիկ համայնքի առաջնորդը քննարկել են Արցախի դեմ Ադրբեջանի սանձազերծած պատերազմի հետևանքները
ԱՄՆ պատժամիջոցները՝ ընդդեմ Ռուսաստանի, կօգնեն Հայաստանին ազատվել ռուսական գաղութային լծից
12:58
Կոլումբիայի փրկարարները 11 հանքագործների մարմիններ են հանել հանքահորից
Ուզում ենք վարչապետը մեզ մի դրական պատասխան տա․ ժամկետային զինծառայողի մայր
Խաղաղապահների մասնակցությամբ Ստեփանակերտում անց է կացվել Հաղթանակի օրվան նվիրված շքերթի փորձը
Տեսնենք մեր վարչապետը ինչ կասի․ ժամկետային զինծառայողի ծնողները կհանդիպեն Փաշինյանի հետ
12:35
Օսթինում երեք մարդ Է զոհվել գնդակոծության հետևանքով
ՊՆ-ն խորը քնի մեջ է․ վարչապետին սուտ են զեկուցում․ ժամկետային զինծառայողի հայր
12:20
«Գալաքսի» ընկերությունների խումբը 2020 թվականին ավելի քան 11,5 միլիարդ դրամի հարկային վճարումներ է կատարել
Նախագահը մի շարք օրենքներ է ստորագրել
12:01
Եվրոպական առաջատար ակումբները հայտարարեցին Սուպերլիգայի ստեղծման մասին
Ալիևի վրա ամերիկա-ռուսական ճնշման ուրվագիծը
Մեղադրանք է առաջադրվել Իսրայելում ՀՀ դեսպանին
11:40
Բրիտանիան նոր օրենք է մտցնում Ռուսաստանի և Չինաստանի դեմ պայքարելու համար․ Times
«120 grammi» ընկերությունը կապ չունի Ադրբեջանում «Հաղթանակի թանգարանի» կառուցման հետ․ ԱԳՆ
«Տղա՛ս, թուրքը թուրք է, ի՛նչ ալ ընէ, խօսի կամ գրէ, պէտք չէ վստահիլ թուրքին»․ Արամ Ա
ՀՀ-ում COVID-19-ի 298 նոր դեպք է գրանցվել․ մահացել է 17 մարդ
ԵԽԽՎ-ն Հայաստանից հրավերի է սպասում
Պայմանագրային զինծառայողների ծառայության տարիքային շեմը կբարձրացվի. ԱԺ-ն երկրորդ ընթերցմամբ ընդունեց նախագիծը

Սա պատերազմ է. Արցախում խուճապ չկա. ամեն ինչ կանտրոլի տակ է

«Առաջին լրատվական»-ի զրուցակիցն է Արցախի «Միացյալ Հայաստան» կուսակցության նախագահ  Վահան Բադասյանը։

Պարոն Բադասյան, այսօր վաղ առավոտից հակառակորդը սահմանի ողջ երկայնքով մարտեր է մղում, հրետակոծվում է Ստեփանակերտը։ Ինչո՞վ եք պայմանավորում հակառակորդի կողմից  սանձազերծված այս գործողությունները։

– Այս հարձակումը սպասելի էր։ Ես դեռ երկու օր առաջ էի ասել, որ նման բան է լինելու։ Հարձակումը սպասելի էր՝ ելնելով Էրդողանի ու Ալիևի հայտարարություններից։  Շատ պարզ երևում էր դա։ Բացի դրանից, տեղեկություններ էին հրապարակվում, որ Ադրբեջանում համատարած հավաք է ոչ միայն կենդանի ուժի, այլև տրանսպորտային միջոցների, սննդի կուտակում էր կատարվում։ Այդ տեղեկություններից կարելի էր կռահել, որ Էրդողանն ու Ալիևը համատեղ մեծ գործողություն պետք է սկսեին Հայաստանի ու Արցախի նկատմամբ։  Եվ ահա այսօր, առավոտյան 7:00-ին, սկսեցին գործողությունները։ Սկզբից փորձել են խփել կառավարման կետերին, հետո դիրքերի ողջ երկայնքով համատարած հրետակոծություն է սկսվել։ Հարվածել են տնտեսական, ստրատեգիական նշանակության օբյեկտները։ Սա պատերազմ է՝ հայտարարված Ադրբեջանի կողմից Հայաստանին։ Բայց իրավիճակը մեր կողմից վերահսկելի է։  Ցավոք, ունենք որոշ կորուստներ։

– Ի՞նչ տեսակի կորուստներ։

– Մեկ վիրավոր ունենք: Ժամանակին բոլորը հասցրել են մտնել ապաստարաններ։ Կարևորը խուճապ չկա, բոլոր կառույցները աշխատում են՝ ԱԻՆ-ը, համայնքի ղեկավարությունը, պետավտոտեսչությունը, բոլոր կառույցները, ու բոլորը իրենց տեղերում են։
– Վիրավորը խաղաղ բնակի՞չ է։

– Այո։ Ցավոք սրտի, մեկ էլ Մարտունիում է մեկ տուն վառվում, և մեկ զոհ ունենք, այնտեղ կրկին քաղաքացիական մարդ է՝ բնակիչ։  Բայց մերոնք համարժեք պատասխան են տալիս։ Ես էլ եմ տեղեկացել, որ մերոնք երկու ուղղաթիռ ու երկու ԱԹՍ են խոցել։ Իրենց բոլոր գործողությունները կատարվում են ԱԹՍ-ներով և հեռահար զենքերով։ Ես ուզում եմ պատասխանատու ձևով հայտարարել, որ մոտ օրերին համատարած ռազմական գործողություններ են սկսվելու Հայաստանի մյուս շրջանների կողմից՝ Նախիջևանի կողմից։ Հարվածելու են ծանր հրետանիով, և հետո սկսվելու են լայնածավալ գործողություններ։

– Ձեզ այդ տեղեկությունները որտեղի՞ց, որքանո՞վ են դրանք հավաստի։

– Այո, ես նման տեղեկություններ ունեմ, տեղեկությունները հավաստի են, դրանք այստեղից չեն, դրսից են։ Ես պնդում եմ, որ ՀՀ իշխանությունները, հաշվի առնելով այս ամենը, հայտարարեն պատերազմ,  զինեն սահմանամերձ համայնքների բնակիչներին, հատուկ խմբեր պետք է ստեղծվեն։ Հրամանատարությունը գիտի դա ինչպես անել։ Մենք պետք է ոչ  թե հիմնականում պաշտպանվենք օդային հարվածներից, այլ պետք է հարվածներ տանք հակառակորդին այն դեպքում, երբ նրանք փորձեն հետևակը մտցնել։ Լայնածավալ պատերազմը շատ մոտ է, օրերս սահմանի ողջ երկայնքով, Նախիջևանով  մարտական գործողություններ են սկսվելու, և պատերազմին մասնակցելու են թուրքական զինուժն ու հետևակը։ Ես չեմ ասում այս ամենը, որ խուճապ տարածվի, այլ ասում եմ, որ սա հաշվի առնվի, ու  հասկանանք, թե ինչ է լինելու։ Ազգային պատերազմ է լինելու։ Եվ ես համոզված եմ, որ որևէ երկիր մեզ օգնության ձեռք չի մեկնելու։

Վաղ առավոտից ՀՀ պաշտպանության նախարար Դավիթ Տոնոյանը, ԱԳՆ-ն կապի մեջ են ԵԱՀԿ Մինսկի խմբի համանախագահների հետ։ Ձեր կարծիքով՝ հնարավոր կլինի՞ միջազգային կառույցների ճնշման տակ զսպել հակառակորդի գործողությունները։

– Մեզ ոչ ոք չի օգնելու։ Մեզ օգնության ձեռք են մեկնելու, երբ որ մենք արդեն հաղթենք։ Մենք չպետք է մեր հույսը դնենք ուրիշների վրա։ Մենք պետք է ընդունենք, որ մեզ օգնություն չի լինելու, և մենք պետք է ընդունենք, որ լինելու է ամենավատթարագույնը՝ լինելու է լայնածավալ պատերազմ, ու մենք պետք է դրան պատրաստ լինենք։ Մենք պետք է մոռանանք նախկին մեր հաղթանակների, հաջողությունների մասին և դիմակայենք լայնածավալ մեծ հարձակումը։
– Պարոն Բադասյան, այս պահին ի՞նչ վիճակ է Արցախում, Ստեփանակերտում։

– Ամենակարևորը, ինչպես արդեն ասացի, խուճապ չկա, ժողովուրդը, բոլորը ինքնակազմակերպվում են նաև, ամեն ինչ կանտրոլի տակ է։ Այս իրադրությունը շատ է տարբերվում ապրիլյան պատերազմից:

– Ինչո՞վ է տարբերվում։ Ի՞նչ տարբերություն կա։

– Հակահարված տալու ընթացքով, խուճապի բացակայությամբ, բոլոր կառույցների պատրաստակամ աշխատանքով։ Ամեն մեկն իր գործը գիտի, բանակն էլ իր գործը գիտի ու համարժեք հակահարված արդեն հասցրել է ու հասցնում է։ Ամեն ինչով է տարբերվում իրավիճակը։

Բաժիններ
Ուղիղ
Լրահոս
Որոնում
new adriver("adriver_banner_525093214", {sid:216038, bt:52, bn:28});