Ապրիլյան պատերազմի հանգմանքներն ուսումնասիրող ԱԺ քննիչ հանձնաժողովի աշխատանքը ավարտական փուլում է, շատ քիչ բան է մնացել, խմբագրական գործընթաց է գնում: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Անդրանիկ Քոչարյանը:
«Վերջին շտկումներն է անում հանձնաժողովը, որ ներկայացնի ԱԺ նախագահին, որպեսզի հետագայում որոշվի նրա ճակատագիրը: Սեպտեմբերին անպայման կներկայացվի»,-ասաց նա:
Դիտարկմանը, որ ըստ որոշ տեղեկությունների, Քննիչ հանձնաժողովի զեկույցի հիման վրա հնարավոր է քրեական գործ հարուցվի, որի թիրախպում լինելու է Յուրի Խաչատուրովը, «Իմ քայլի» պատգամավորն ասաց. «Մեր հանձնաժողովը քննիչ հանձնաժողով է, քննություն իրականացնող մարմին չէ, բայց մեր հանձնաժողովի կատարած աշխատանքները կարող են ունենալ նաև հետևանքներ»:
