Ռուսաստանի մշակույթի փոխնախարար է դարձել ԱՖԿ «Սիստեմա» ռուսական խոշորագույն ընկերության փոխնախագահ Սերգեյ Մնդոյանցը: Այս մասին հաղորդում է Коммерсант-ը՝ հղում կատարելով մշակույթի նախարարության իր աղբյուրներին:
Մնդոյանցը զբաղվելու է մշակութային արժեքների պաշտպանության, ինչպես նաև միջազգային կապերի խնդիրներով: 49-ամյա Սեգեյ Մնդոյանցը Մոսկվայում հայտնի ճարտարապետ Աշոտ Մնդոյանցի որդին է, որը հեղինակել է Մոսկվայի համագումարների դահլիճի, Նոր Արբատի և մի շարք այլ կառույցների նախագծումը:
Հիշեցնենք նաև, որ այն ընկերությունում, որտեղ Մնդոյանցը մինչև այս նշանակումը զբաղեցնում էր փոխնախագահի պաշտոնը, որպես տնօրենների խորհրդի անդամ է հանդես գալիս ՀՀ նախկին նախագահ Ռոբերտ Քոչարյանը:
