Ադրբեջանական APA լրատվական գործակալության փոխանցմամբ՝ Ադրբեջանի պետական վիճակագրական կոմիտեի տվյալներով՝ վերջին 10 տարիներին քառակի ավելացել է արտամուսնական կապերից ծնված երեխաների քանակը։
Եթե 2000 թվականին Ադրբեջանում գրանցված արտամուսնական երեխաների թվաքանակը կազմել է 6282, ապա 2010 թվականին այդ ցուցանիշը հասել է 25,385-ի։ Նրանցից 11.517-ը ծնվել են քաղաքներում, իսկ 13,868-ը՝ գյուղերում։
Վերջին 10 տարիներին քաղաքներում ծնված արտամուսնական երեխաների քանակն ավելացել է 3 անգամ, իսկ գյուղերում ծնվածների քանակը՝ 5.7 անգամ։ Արտամուսնական երեխաների ռեկորդային ցուցանիշ գրանցվել է 2004 թվականին՝ 26,669 մարդ։
Նշվում է, որ 2010 թվականին Ադրբեջանում ծնվել է 165,643 երեխա։ Վերջին 10 տարիներին նրանց քանակն աճել է 42 տոկոսով։ Մինչև մեկ տարեկան երեխաների մահացության ցուցանիշն անկում է ապրել 2.83 տոկոսով՝ հասնելով 1843-ի։
