Անկում գրանցած տնտեսությունից, կորոնավիրուսի այլ հետևանքների, օղու, կոնյակի, վիսկիների արտադրության շուրջ «Գործ և արարը» զրուցել է «Արալեզ» խմիչքների ստեղծող Պավել Խաչատրյանի հետ: Ինչպես անվանել մեր պապենական օղին, որ այլ երկրներում վաճառելիս խնդիրներ չառաջանան: Ինչով է մեր պետությունը աջակցում այս ոլորտին: Մեր զրուցակիցն անդրադարձավ այս և շատ այլ հարցերի:
Պավել Խաչատրյանի դիտարկմամբ՝ խմիչների արտադրությունն արար է, բայց ցանկալի է, որ դառնա գործ: «Երբ որ ինչ-որ բան ես արարում, լավ կլինի, որ այն գործի վերածվի, ֆինանսներ բերի»:
Գործարարի խոսքով՝ «Արալեզ»-ի հետ կապված առաջին միլիոնը ոչ թե կրիմինալ ճանապարհով է ձեռք բերվել, այլ պարտքով: «Առաջին միլիոնը կրիմինալ ճանապարհով ձեռք բերելու մասին միտքը շատ ծեծված է, բայց դա այդպես չէ: Դրա համար է, որ մեր ժողովուրդը գործարարներին ճիշտ չի ընկալում, համարում է խարդախ, գող, ավազակ, բայց իրականում գործարարները պետք է հարգանքի արժանանան»:
«Արալեզ» խմիչքներն արտադրվում են դասական երաժշտության և աղոթքների ներքո: «Ջուրն ունի ֆանտաստիկ ուժ, ունի հիշողություն, և դասական երաժշտության ու աղոթքների տակ իմ ստեղծած խմիչքը դառնում է փափուկ և դրական էներգիայով լեցուն»,- վստահեցնում է Պավել Խաչատրյանը:
Մանրամասն՝ տեսանյութում: